សុខ ចាន់ផល ក្រោយព្យុះភ្លើងជីវិតដ៏សែនលំបាក់ បានក្លាយទៅជាកវីនិពន្ធដ៏ល្បីឈ្មោះម្នាក់ប្រចាំផលិតរស្មីហង្សមាស ដែលជាទ្រនំធំ ក្នុងចំណោមផលិតផ្សេងៗទៀត នៅក្នុងព្រះរាជាណាចក្រកម្ពុជា។
មានស្នាដៃនិពន្ធទំនុកច្រៀងជាច្រើន ដែលចេញលក់លើទីផ្សារ ហើយទទួលបានការគាំទ្រពីសំណាក់មហាជន និងអ្នកគាំទ្ររបស់កវីនិពន្ធ សុខ ចាន់ផល នៅក្នុងនោះមានបទ “Call មកបងពេលគេបោះបង់អូន” “សន្យា មុនគេង” និងបទ “កុំលើកទូរស័ព្ទគេពេលនៅក្បែរអូន”។
នៅពេលថ្មីៗ នេះដែរ ទន្ទឹមនិងទទួលបានកេរ្ត៍ឈ្មោះ ល្បីសុះសាយ កវីនិពន្ធរូបនេះក៏លេចឭព័ត៌មានថា មានចំណងស្នេហ៍លួចលាក់រហូតដល់ ទៅ ៣ ឆ្នាំ ដែលមិនហានទម្លាយចេញពីដើមទ្រូង។
ព័ត៌មានដ៏រសើបនេះត្រូវបានអ្នកគាំទ្ររបស់កវីនិពន្ធវ័យក្មេងរូបនេះចង់ដឹងចង់ឭថា វាយ៉ាងម៉េចដែរ ព័ត៌មានមួយនេះ។
អ្នកគាំទ្រម្នាក់របស់កវីនិពន្ធសុខ ចាន់ផល បានប្រាប់ឲ្យដឹងថា រឿងនេះវាមិនពិតនោះទេ តែបើពិតវិញជារឿងរ៉ាវ ដែលរំលេចចេញតាម ចុងបកា របស់កវីនិពន្ធរូបនេះតែប៉ុណ្ណោះ ។ ប្រភពដដែលបានបន្តឲ្យដឹងថា រឿងដ៏រសើបនេះ វាគ្រាន់តែជារឿងដែលមាននៅក្នុងបទចម្រៀង “លួចស្រលាញ់អូនបីឆ្នាំ” របស់ផលិតរស្មីហង្សមាស ស្ថិតនៅក្នុងវ៉ុល ៤៧៧ ដែលច្រៀងដោយ តារាចម្រៀង ឆន សុវណ្ណរាជ។
តែទោះជាយ៉ាងណា បណ្តាមហាជនអ្នកគាំទ្រ និងអ្នកលេងនៅលើបណ្តាញអនឡាញសង្គមហ្វេសប៊ុក នៅតែចង់ឃើញស្នាដៃបន្ត និងថ្មីៗរំលេចចេញពីក្រអៅបេះដូងរបស់តារានិពន្ធទំនុកច្រៀងរូបនេះ ដែលចេញលក់នៅលើទីផ្សារនាពេលខាងមុខ៕
ស្តាប់បទចម្រៀងដូចខាងក្រោមនេះ៖
មតិយោបល់