នៅទីក្រុង Los Angeles ប៉ូលិសបានទទួលព័ត៌មានថា តារាចម្រៀង Selena Gomez បានទម្លាយចេញព័ត៌មានពីការបាញ់សម្លាប់ម្តាយរបស់នាងនៅផ្ទះរបស់ខ្លួន។
កាលពីថ្ងៃទី ៥ ខែ មេសា ឆ្នាំ ២០១២ កន្លងទៅនេះ ប៉ូលិសនៅ Los Angeles បានទទួលព័ត៌មានមួយ នៅផ្ទះរបស់តារាចម្រៀង Selena Gomez មានករណីឃាតកម្មកើតឡើង ។ប្រភពព័ត៌មានបានឲ្យដឹងថា ករណីឃាតកម្មនេះកើតឡើងដោយសារតែ ឳពុករបស់តារាចម្រៀងដែលទើបនឹងចេញ បទថ្មី Come & Get it បានទាញ់កាំភ្លើងខ្លី សម្លាប់ប្រពន្ធ របស់ខ្លួន។ប្រភពដដែលបានបញ្ជាក់ទៀតថា ជុំវិញនៃបញ្ហានេះកើតឡើង Selena Gomez ក៏មានចេតនាបញ្ចេញព័ត៌មាននេះតែម្តង។
បន្ទាប់ពីទទួលបានព័ត៌មានករណីឃាតកម្មនេះភ្លាម ប៉ូលិស នៅរដ្ឋ Los Angeles បានចុះទៅត្រួតពិនិត្យជុំវិញ ផ្ទះ តារាចម្រៀង Selena Gomez. ដោយពិនិត្យចុះពិនិត្យឡើង និងសាកសូរព័ត៌មាន ទើបដឹងថា នេះគ្រាន់តែជាព័ត៌មានបោកបញ្ជោតរបស់ជនខិលខូច ធ្វើឲ្យប៉ូលិស ក្នុងរដ្ឋ រវល់តែប៉ុណ្ណោះ។
ចំណែកតារាចម្រៀង Selena Gomez វិញ ក៏បានទទួលព័ត៌មានផ្សាយបំភ័យនេះដែរ ដោយប៉ូលិស បានសាកសួរពីបញ្ហាចចាមអារាមបំភ័យខាងលើ ។ស្រីស្រស់រូបនេះបាននិយាយថា នាងពិតជាមានអារម្មណ៍ថា នឿយហត់ណាស់ មុនព័ត៌មានកំប្លែងដ៏ឃោរឃៅនេះ ដែលធ្វើឲ្យមនុស្សម្នាក់ស្ទើរតែសន្លប់។
នៅថ្ងៃជាមួយនិងគ្នានេះដែរ តារាចម្រៀង Justin Bieber ក៏ធ្លាក់ក្នុងអន្លង់ព័ត៌មានស្រដៀង និងតារាចម្រៀងនិងសម្តែង Selena Gomez ដោយមានអ្នកខលទៅ 911 ថា មានភ្នាក់ងារចែកសំបុត្រ បួននាក់ មិនស្គាល់មុខបាន ទៅកម្ទេចផ្ទះរបស់គាត់។ខណ:ជាមួយនិងគ្នានេះដែរ ប៉ូលិស ក៏បានរៀបចំខ្លួន ទៅត្រួតពិនិត្យ កន្លែងកើតហេតុ ទើបដឹងថា ជាព័ត៌មាន បំភ័យ(អាចម៌ ក្ត)តែប៉ុណ្ណោះ។
កាលពីខែ តុលា ឆ្នាំ កន្លងទៅ តារាចម្រៀង Justin Bieber ក៏មានបញ្ហាស្រដៀងគ្នាដែរ ដោយចចាមអារាមថា រងការគំរាម បាញ់សម្លាប់នៅខាងក្រៅ ផ្ទះល្វែង ក្នុងរដ្ឋ Los Angeles ដែលធ្វើឲ្យប៉ូលិស ខ្វែងដៃ ខ្វែងជើង ខណ:មកដល់គឺគ្មានអ្វីកើតឡើងនោះទេ គឺតារាចម្រៀងJustin Bieber មិននៅ Lose Angeles គឺនៅ Tacoma, Washington ឯណោះ ៕
មតិយោបល់