បណ្តាផលិតកម្ម នៅក្នុងស្រុកខ្មែរ កំពុងអួតថា ចរន្តវិស័យឧស្សាហកម្មសិល្បៈ កំពុងមានសន្ទុះកើនឡើងទៅមុខ ជាលំដាប់ ដោយអាចរកចំណូល និងជួយផ្តល់ការងារដល់យុវវជនទៀតផង។
តែវាមិនដូច្នោះទេ វិស័យឧស្សាហកម្មសិល្បៈ ចុងក្រោយនេះ កំពុងតែស្ថិតក្នុងសភាពដុនដាប ទៅហើយ ដោយសារតែការលួចចម្លងពីគេ ដោយគ្មានអៀនខ្មាស់ ធ្វើជាកម្មសិទ្ធខ្លួន នោះ។
https://i1272.photobucket.com/albums/y389/domneng/2013-04-30_235737_zps84a18c55.jpg
ជាក់ស្តែង បទ ចម្រៀង “កុំទាន់ស្រលាញ់គេខ្លាំងជាងបង”ដែលច្រៀងដោយ តារាចម្រៀង ខេម ស្ថិតនៅក្នុងផលិតកម្ម ថោន នោះ ក៏ជាបទចម្រៀងដែលចំលងទាំងសូសៀងច្រៀង ពីបណ្តាប្រទេសជិត និងសំខាន់បំផុត គឺកាយវិការសម្តែង ដោយសឹងតែដូចគ្នាទាំងស្រុងទៅហើយ ដោយគ្មានភាពខ្លះចន្លោះ។ បច្ចុប្បន្ននេះវាជារឿងធម្មតា ចំពោះសូរសៀងច្រៀង និង Melody នោះ តែដល់ថ្នាក់កូពី កាយវិការសម្តែងពីបណ្តាប្រទេសជិតខាង វាក្លាយយន្តការមួយដ៏អាក្រក់ដល់ យុវវ័យជំនាន់ក្រោយ ដោយបង្កើតផ្នត់គំនិត កូពី ជារៀងដរាប។លើកមុននេះយើងគួរធ្លាប់បានឃើញបទ ចម្រៀងរបស់តារាចម្រៀង ជេមស៍ ក្រោមចំណងជើងថា “កំដរសង្សារគេឈឺចាប់” នោះក៏លួចចន្លងកាយវិការទាំងដុលពីថៃផងដែរ។ តែសម្រាប់លើកនេះ ដល់វេនផលិត កម្មថោន វិញ ដែលកូពីកាយវិការពីប្រទេសកូរ៉េ ដែលជាបទចម្រៀងមួយក្រោមចំណងជើងថា – The Day part 2 See Ya ft Brown Eyed Girls ទៅវិញ។
ក្នុងករណីថតចម្លងនេះបើសិនជាខាងប្រជាជន របស់កូរ៉េបានឃើញវិញ និងលើកយកទៅចាក់ផ្សាយលើកញ្ចក់ទូរទស្សន៍របស់គេ ដូចតារាចម្រៀង ណុប បាយ៉ារិទ្ធ ដែលស្ថិតនៅក្នុងផលិតកម្ម ហង្សមាស ដោយលួចស្តាយ៍រាំរបស់កូរ៉េដែរនោះ មិនដឹងថា ខ្មាស់គេយ៉ាងណាទៀតនោះទេ?។
តែ ទោះជាយ៉ាងណាមហាជនមួយចំនួនបានបញ្ជាក់ប្រាប់ថា បើសិនជាចរន្ត វិស័យសិល្បៈស្រុកខ្មែរ នៅតែបំពេញតែឆ្នាំងបាយខ្លួន បន្តកូពី ឥតញញើតនោះ នឹងធ្វើវិស័យសិល្បៈ ស្រុកខ្មែរធ្លាក់ទៅរកចំនុចអវិជ្ជមាន ។ម្យ៉ាងវិញទៀត សិល្បៈជាកញ្ចក់ឆ្លុះបង្ហាញជាតិយ៉ាងសំខាន់ នឹងធ្វើឲ្យជាតិសាសន៍ផ្សេងៗស្គាល់ខ្មែរយ៉ាងច្បាស់តាមរយៈ ដងវិថីនេះ តែបើនៅចម្លងយ៉ាងនេះ ខ្មែរគ្មានថ្ងៃ ពិភពលោកស្គាល់តន្ត្រីរបស់ខ្លួន ល្អយ៉ាងណានោះទេ៕
ទស្សនាវីដេអូចម្រៀងដូចខាងក្រោមនេះ៖
មតិយោបល់