នៅពេលថ្មីៗនេះដែរ នៅលើ Wall Post របស់លោក កៅ សីហា ដែលជាអ្នកដឹកនាំសម្តែងមួយរូបដ៏ប៉ិនប្រសប់ របស់ផលិតកម្ម រស្មីហង្សមាស បានបង្ហាញអារម្មណ៍ប្រតិកម្មជាមួយនឹង បណ្តាសារព័ត៌មានជាច្រើនដែលចុះផ្សាយបង្ហាប់ដល់បទចម្រៀងខ្មែរ ជាពិសេសបណ្តាអ្នកលេងហ្វេសប៊ុក ដែលប្រើពាក្យចំអកឡក់ឡើយ “ខ្មាស់គេណាស់ ថោកទាបណាស់” ។ដែលបញ្ហានេះកើតឡើងលើប្រធានបទដែលកំពុងក្តៅគគុកលើបណ្តាញទំនាក់ទំនងសង្គមហ្វេសប៊ុក និយាយព្រោងព្រាតទាក់ទិននឹងរឿង ចម្លងបទចម្រៀងពីបណ្តាប្រទេសជិតខាងនោះ។
ប្រតិកម្មនឹងបញ្ហាខាងលើនេះ លោក កៅ សីហា បានសរសេរ Wall Post លើគណនីខ្លួនថា “ចង់សួរទៅកាន់អ្នកដែលប្រើពាក្យ (ថាខ្មាសគេ ពាក្យថាថោកទាបណាស់) នោះជាខ្លាំង ថានៅពេលដែលខ្មែរបាននិពន្ឋបទភ្លេងថ្មីដោយខ្លួនឯង ជាច្រើនវ៉ុល ហើយពេលខ្លះថែមទាំងមិនដឹងថាបទមួយចំនួននោះជាបទរបស់ខ្មែរខ្លួនឯងផងទៀតនោះ មិនទាំងដែលបានជួយជាវស៊ីឌី Original ផង ពិសេសមិនទាំងយកត្រចៀកស្តាប់ក៏មាន មិនតែប៉ុណ្ណោះពេលដឹងថាបទនោះជាបទរបស់ខ្មែរធ្វើឡើងដោយខ្លួនឯងហើយ មិនទាំងយកមាត់សរសើរ ឬចែករំលែកបន្តទេ តែបើមានព័ត៌មានពីនេះពីនោះបង្អាប់ខ្មែរគ្នាឯង តាំងឡើងមកជាន់កគ្នាបន្ទោស ដៀលត្មេះ មើលងាយជាតិសាសន៍ឯង ។ តើអ្នកទាំងអស់គ្នាមានដឹងទេថា រាល់ពាក្យដែលអ្នកកំពុងជេរដៀលត្មេះ ខ្មែរគ្នាឯងនោះ វាស្មើនឹងអ្នកឯងកំពុងមើលងាយ ជាន់ឈ្លីពូជពង្សខ្មែរខ្លួនឯងនោះ? អ្នកឯងមិនឲ្យតម្លៃជាតិសាសន៌ខ្លួនឯងផងនឹង ចុះទម្រាំជាតិដទៃដែលគេកំពុងត្រៀមចាំតែជាន់ឈ្លីជាតិសាសន៍របស់អ្នកឯងស្រាប់ផងនោះ រឿងអីគេឲ្យតម្លៃអ្នកឯង?? បទចម្រៀងថ្មីដែលធ្វើដោយកូនខ្មែរមួយគគោក អ្នកឯងមិនដែលឲ្យតម្លៃផងនឹង ! មានដែលសួរខ្លួនឯង នឹងដែលដឹងឬអត់ថាខ្មែរសព្វថ្ងៃអាចធ្វើបទចម្រៀងដោយខ្លួនឯងបាន? គឺបាន! តែពេលធ្វើហើយពួកអ្នកឯងមិនដែលគាំទ្រ មិនយកត្រចៀកស្តាប់ ចាំតែកូពី ស្រាប់ៗ។ តែបើបទយកពីគេមកវិញអ្នកឯងពពាក់ពពូនស្តាប់ និងចេះច្រៀងតាមពេញៗមាត់ ហើយកូពីចម្លងឲ្យគ្នាម៉ាសេរី ទាំងបទថ្មីរបស់ខ្មែរ និងបទយកពីបរទេសដូចប្រទេសអត់ច្បាប់។ គិតឡើងវិញពីទង្វើនេះផងថាអ្នកផ្តល់តំលៃអោយខ្មែរខ្លួនឯងឬអត់? កុំចាំតែហៃអើ ដូចអាជ័យនោះ។ ចង់ផ្តាំថាបើត្រូវការបទខ្មែរខ្លួនឯង សូមចាប់ផ្តើមពីខ្លួនអ្នកមក ត្រឡប់ធ្វើការគាំទ្របទរបស់ខ្មែរពីពេលនេះ នោះយើងនឹងទទួលបានជាបន្តបន្ទាប់ទៀត ព្រោះជាក់ស្តែងផលិតកម្មហង្សមាស តែងតែមិនភ្លេចនៅការនិពន្ឋបទភ្លេងថ្មីៗដោយខ្លួនឯងជារៀងរាល់ពេល ជាក់ស្តែង Vol 466 គឺបទទាំងអស់សុទ្ឋតែនិពន្ឋភ្លេងថ្មីទាំងអស់ ដោយលោកសាពូន មីដាដា តែសន្ទុះនៃការគាំទ្រ គឺតិចតួច ហើយគ្មានឃើញមុខអ្នករិះគន់ទាំងនោះ ចេញមុខមកសរសើរលើកទឹកចិត្ត និងគាំទ្រសោះ ។ ហេតុផលទាំងនេះហើយដែលជាតិសាសន៌ដទៃមើលងាយខ្មែរនោះ”។
ទន្ទឹមនឹងសម្តីរបស់លោក ដែលបានប្រតិកម្មនេះដែរ វាជាការពិតណាស់ផ្តើមចេញពីខ្លួនអ្នកមកវិញ ដោយប្រមូលផ្តុំគ្នាមកស្តាប់បទខ្មែរ និងលើកដំកើនដល់អ្នកផលិតបទខ្មែរទើបធ្វើឲ្យខ្មែររីកចម្រើន ក្នុងធ្លុងរីកចម្រើនមួយ។ ស្របជាមួយនឹងគ្នានេះដែរ ក៏មានប្រតិកម្មសម្តីតបរបស់មហាជនមកវិញថា បើសិនជាអ្នកផលិតក្នុងស្រុកខ្មែរ ទាំងអស់មិនចម្លងបទពីគេ នោះប្រាកដជាខ្មែរមានសន្ទុះឡើងវិញ លើវិស័យផលិតបទចម្រៀង ពោលគឺផ្តើមចេញ ពីអ្នកផលិត អ្នកដឹកនាំសម្តែង ដោយផលិតសម្រិតសម្រាំងឲ្យមានគុណភាព ដោយមិនគិតពីប្រាក់ចូលហៅប៉ៅពេកនោះ ជឿជាក់ថាបទខ្មែរ ប្រាកដជាល្បីទៅកាន់សកលោកជាក់ជាមិនខាន។ចូរចងចាំថា ថ្ងៃនេះ យួនស្តីឲ្យខ្មែរ ថៃស្តីឲ្យខ្មែរ តែគង់មានថ្ងៃណាមួយដែលអ្នកផលិតស្រុកខ្មែរ មិនចម្លងពីគេនោះ អ្នកដែលធ្លាប់ចម្លងពីគេនោះ និងមានឱកាសឡងសម្តី ពឹសរបស់អ្នកទៅកាន់អ្នកដែលថាអ្នកជាក់ជាមិនខានឡើយ។ហេតុដូច្នេះហើយចូរកូនខ្មែរទាំងអស់ងាកមកស្តាប់បទដែលផលិតដោយកូនខ្មែរ ដែលផុសចេញពីចិត្តរបស់ពួកអ្នកផលិត ក្រោកឡើងជាធ្លុងមួយ ដើម្បីឲ្យវិស័យសិល្បៈខ្មែរ ពន្លឺឡើងវិញ ជយោ! សិល្បៈខ្មែរ មានពន្លឺ……៕
https://i1272.photobucket.com/albums/y389/domneng/Keo%20Sieha/484639_518957548168952_2027169216_n_zpsa4dec28f.jpg
https://i1272.photobucket.com/albums/y389/domneng/Keo%20Sieha/922816_528536387211068_1908816724_n_zpsb1c7e0a3.jpg
https://i1272.photobucket.com/albums/y389/domneng/Keo%20Sieha/936690_525477294183644_1462476826_n_zps7116e1ee.jpg
https://i1272.photobucket.com/albums/y389/domneng/Keo%20Sieha/942305_520843947980312_1327221870_n_zpsde65742c.jpg
មតិយោបល់