តារាចម្រៀងវ័យ ១៩ឆ្នាំ Justin Bieber (JB)ត្រូវបានស្ដ្រីម្នាក់ចោទប្រកាន់ថា ជាឪពុករបស់កូនស្រីនាង ដែលមានអាយុ ៤ឆ្នាំ។
កាលពីជាង ១ឆ្នាំមុន មានស្ត្រីម្នាក់ឈ្មោះ Mariah Yeater បានចោទប្រកាន់តារាចម្រៀង JB ថាជាឪពុកកូនដែលនៅក្នុងផ្ទៃរបស់នាង ក្រោយពេលដែលនាង និង JB បានដេកជាមួយនៅក្រោយឆាកប្រគំតន្ត្រីមួយ ប៉ុន្តែព័ត៌មាននោះត្រូវបានតារាចម្រៀងរូបនេះ ច្រានចោល ហើយក៏ស្ងប់ស្ងាតទៅវិញ។
នៅពេលនេះ ស្រាបតែលេចមុខស្ត្រីវ័យ ២៥ឆ្នាំ មួយរូបបានចោទប្រកាន់ JB ថាជាឪពុកកូនស្រីរបស់ ដែលការចោទប្រកាន់នេះ មិនខុសពីការចោទប្រកាន់ខាងលើឡើយ។
យោងតាមទស្សនាវដ្ដី Star Magazine ដែលបានចុះផ្សាយកាលពីថ្មីៗនេះ បានឲ្យដឹងថា ស្ដ្រីវ័យ ២៥ឆ្នាំម្នាក់ បាននិយាយថា នាង និង JB បានរួមដំណេកជាមួយគ្នាជាច្រើនដង កាលពី ៤ឆ្នាំមុន រហូតដល់នាងមានផ្ទៃពោះ ហើយកាលពីពេលនោះ តារាចម្រៀងមួយនេះ ទើបតែមានអាយុ ១៥ឆ្នាំប៉ុណ្ណោះ។
នាងបានរំឭកឡើងថា នាង និង JB បានរួមដំណេកជាមួយគ្នានៅក្នុងសណ្ឋាគារ Gansevoort South។ ក្រោយមកនាងក៏មានផ្ទៃពោះ រួចសម្រាលបានកូនស្រីមួយនៅក្នុងខែតុលា ឆ្នាំ ២០១០។
ពាក់ព័ន្ធនឹងបញ្ហានេះ មិត្តភ័ក្តិជិតស្និទ្ធរបស់ JB បាននិយាយថា នោះគ្រាន់តែជារឿងមិនពិតមួយ ដែលគេបង្កើតឡើងចង់បង្ខូចកេរិ៍ឈ្មោះរបស់ JB ប៉ុណ្ណោះ វាមិនខុសអ្វីពីស្ត្រីម្នាក់មុន ឈ្មោះ Mariah Yeater បានបាត់មុខទៅវិញនៅពេលដែល JB គំរាមរកប្ដឹងបកវិញ៕
មតិយោបល់