ព្យុះព័ត៌មានចាស់លើគំនិតចម្លង កាយវិការផ្នែកឧស្សាហកម្មតន្ត្រីចម្រៀង នៅតែជាទីចំណាប់អារម្មណ៍របស់មហាជននៅឡើយ ខណៈដែលផលិតមួយចំនួននៅតែបន្តចម្លង និងផលិតកម្មផ្សេងទៀត កំពុងពង្រីកលើការផលិតបទចម្រៀងផ្ទាល់ខ្លួន។
ផលិតកម្ម ហង្សមាស ដែលជាផលិតកម្ម ធំជាងគេ ក្នុងព្រះរាជាណាចក្រកម្ពុជា ដែលសំបូរទៅដោយមហាជនគាំទ្រមិនដាច់នោះ និងក៏ជាផលិតកម្ម ដែលកំពុងល្បីរឿងចម្លងកាយវិការគេផងដែរ។មួយប្រាវមុននេះ ផលិតកម្ម ដែលល្បីចម្លងគេទាំងដុល រួមមានផលិតកម្ម ថោន និងផលិតកម្ម សាន់ដេ ដែលជាទីផ្តោតអារម្មណ៍របស់មហាជន ក៏រងព្យុះព្យោរព័ត៌មានមិនដាច់រឿងនេះ។
https://i1272.photobucket.com/albums/y389/domneng/2013-06-21_165746_zpsd3886950.jpg
ងាកមកកាន់ផលិតកម្ម ធំស្រុកខ្មែរ ដែលគេស្គាល់ថាជាផលិតកម្ម ហង្សមាស និងរស្មីហង្សមាស ដែលមិនសំបូររឿងចម្លងពីគេប៉ុន្មានរឿងកាយវិការ តែពេលនេះបានអើតក្រឡឺម និងល្បីពេញហ្វេសប៊ុក នៅពេលដែលម្ចាស់ទំព័រហ្វេសប៊ុកឈ្មោះ Sunday,Town,Hang Meas បានប្រៀបធៀបកាយវិការបទចម្រៀងរបស់ តារាចម្រៀង ហ្សូណូ ក្រោមចំណងជើងថា “ខ្ញុំជាមនុស្សល្ងង់” Vs បទចម្រៀង “Hello” របស់ប្រទេសឥណ្ឌូនេស៊ី មកបង្ហាញនោះពិតជាដូចគ្នាបេះដាក់ សឹងតែ ១០០ ភាគរយទៅហើយ។
មហាជនជាច្រើនបានធ្វើការរិះគន់ លើផលិតកម្មដ៏ធំ នៅក្នុងស្រុកខ្មែរ នេះ មិនគួរណា ធ្វើបែបនេះឡើយ គួរតែធ្វើជាគំរូឲ្យគេ មិនគួរគិតរឿងហោប៉ៅជាធំសោះ ធ្វើយ៉ាងនេះវាធ្វើឲ្យប៉ះពាល់ដល់វិស័យឧស្សាហកម្មបទចម្រៀង ក្នុងស្រុកខ្មែរ និងវប្បធម៌ដ៏ថ្លាថ្លៃដែលដូនតាបន្សល់ទុកឲ្យ មិនគួរណាគឃ្លើនឃ្លានប្រាក់ ដាក់ក្នុងហោប៉ៅសោះ។ចំណែកប្រិយមិត្តទំព័រ ខាងលើ ក៏បានធ្វើការរិះគន់យ៉ាងចំៗ លើផលិតកម្មផលិតបទចម្រៀង និងផលិតកម្ម ហង្សមាស ដោយខ្លះថា “ពិតជាហួសចិត្ត” និងអ្នកខ្លះទៀតបានធ្វើការបញ្ចេញមតិថា “ខ្ញុំជាជនជាតិខ្មែរមួយរូបដែល មើលងាយផលិតកម្ម ចម្លងតាមគេណាស់ ។លោកជាផលិតកម្មមួយ ដែលចិញ្ចឹមនូវជ្រូកមួយហ្វូង ដែលចេះតែធ្វើឲ្យជាតិសាសន៍គេមើលងាយខ្មែរ គ្មានគំនិតច្នៃប្រឌិតសូម្បីតែបន្តិច”។
តែទោះជាយ៉ាងណា បើជានិយាយពីដើមទងមកវិញ យើងពិបាក និងថា នរណាខុស នរណាត្រូវណាស់ ព្រោះថា បើសិនជាមេដំបូលមិនបើកដៃ ក៏គ្មានរឿងនេះកើតឡើងដែរ ពោលគឺក្រសួងពាក់ព័ទ្ធ នឹងរឿងតន្ត្រីខ្មែរ ៕
ទស្សនាវីដេអូ ឃ្លិបដូចខាងក្រោមនេះ៖
មតិយោបល់