មុននេះដែរ គង់ ចាន់រដ្ឋា ក៏បានបង្ហើបប្រាប់គេហទំព័រ ដំណឹង ផងដែរថា មានអ្នកនៅក្រៅស្រុក ចង់លុបដានឈឺចាប់របស់នាង ដែលកើតឡើងជាមួយនឹង Alexora ដែលជាតារាម៉ូដែល ក្នុងក្រុម Sun Supermodel ។តែ មិនយូរប៉ុន្មានស្រាប់តែគេឃើញនាង ដឹកដៃ Eric ប្រធានក្រុម Utopia ទៅកាន់ប្រទេសថៃទៅវិញ។
ប្រភពកៀកកើយ និងតារាចម្រៀង គង់ ចាន់រដ្ឋា ដែលកំពុងច្បាមប្រជាប្រិយភាព នៅក្រៅស្រុកនោះ បានប្រាប់ឲ្យដឹងថា កាលពីប៉ុន្មានថ្ងៃ មុននេះ គេឃើញ តារាចម្រៀងខ្មៅ ស្រអែមរូបនេះ បានដឹកដៃ Eric ទៅបង្កាត់ភ្លើងស្នេហា នៅក្នុងប្រទេសថៃ ដែលធ្វើឲ្យ អ្នកគាំទ្រនាង វង្វេងអស់ហើយ ថានរណាមួយ ជាម្ចាស់ស្នេហ៍របស់នាង ឲ្យពិតប្រាកដ ខណៈដែលបង្ហើបថា មានអ្នកក្រៅស្រុកចង់ថ្នមបេះដូង ។
ប្រភពខាងលើ បានបន្តទៀតថា គង់ ចាន់រដ្ឋា ខណៈដែលនៅប្រទេសថៃ ពិតស្អិតរមួត ជាមួយ Eric ខ្លាំណាស់ ដូចជាគូស្នេហ៍ ដែលទើបរៀបការហើយថ្មីថ្មោង។
ទន្ទឹមនឹងនេះដែរ នៅលើ Wall Post របស់ Eric បានបង្ហោះរូបភាពអង្គុយញ៉ាំអីៗ យ៉ាងផ្អែមល្អែម ជាមួយនឹង គង់ ចាន់រដ្ឋា នៅក្នុងប្រទេសថៃ ។
ជួបជាមួយនឹង គង់ ចាន់រដ្ឋា នាងបានប្រាប់ គេហទំព័រ ដំណឹង នៅរសៀលនេះថា រឿងនេះ វាគឺបែបនេះមែន តែមិនមែននាងទៅបង្កាត់ភ្លើងស្នេហា ជាមួយនឹង Eric នោះទេ គឺនាងទៅធ្វើការ។ ម្យ៉ាងវិញទៀត នាងមិនមែនទៅ តែពីរនាក់ ឯណា គឺមានអ្នកផ្សេងៗ ដូចជាមិត្តភក្តិ និងក្រុមងារដែលទៅទីនោះដែរតើ ។ នាងបាននិយាយបែបកំហឹងថា “នរណាគេ អ្នកនិយាយ រឿងនេះ បើសិនជានាងដឹងវិញ មិនទុកមុខឲ្យទេ ។ នាងបានបន្តទៀតថា រវាងនាង និងបង Eric គឺមិនអាចជារឿងស្នេហានោះទេ ទង្វើស្អិតរមួតនោះ វាគ្រាន់តែជាមិត្តភក្តិតែប៉ុណ្ណោះ”។
គួរបញ្ជាក់ផងដែរថា គង់ ចាន់រដ្ឋា កំពុងទទួលបានប្រជាប្រិយភាព តាមរយៈការច្រៀង នៅក្នុងផលិតកម្ម ក្រៅស្រុកមួយឈ្មោះថា បុប្ជា និងមកទល់នឹងពេលនេះ មានបទជាច្រើន មិនតិចជាង ១០ បទនោះទេ ដែលទទួលបានការគាំទ្រពីអ្នកដែលរស់នៅក្នុងឯណាយសមុទ្រ៕
https://i1272.photobucket.com/albums/y389/domneng/Decore/Rotha4_zps074b1c18.jpg
https://i1272.photobucket.com/albums/y389/domneng/Decore/Rotha1_zpscd1b6628.jpg
https://i1272.photobucket.com/albums/y389/domneng/Decore/Rotha2_zpscfc4f34d.jpg
https://i1272.photobucket.com/albums/y389/domneng/Decore/Rotha3_zps3654d6c9.jpg
មតិយោបល់