លោក Kim Hee Chul ជា​សមាជិក​របស់​ក្រុម​តារាចម្រៀង Super Junior បាន​បញ្ចប់​ភារៈកិច្ច​ប្រើ​យោធា​រយៈពេល ២​ឆ្នាំ របស់​ខ្លួន​ដោយ​ជោគជ័យ​។​
​យោងតាម​ប្រភព​ព័ត៌មាន​បានឲ្យដឹង​ថា​នៅ​ព្រឹក ថ្ងៃទី​៣០ ខែ​សីហា នេះ លោក Kim Hee Chul ត្រូវបាន​អនុញ្ញាត​ឲ្យ​ចាកចេញ​ពី​ការងារ​ជា​យោធា​ជា​ផ្លូវការ​បន្ទាប់ពី​បាន​បំពេញ​ការងារ​អស់​រយៈពេល ២​ឆ្នាំ​រួច​មក​។ ដើម្បី​ស្វាគមន៍​លោក Kim Hee Chul អ្នកគាំទ្រ​និង​អ្នកយក​ព័ត៌មាន​ជាង ២០០​នាក់ បាន​ទៅ​ទទួល​គាត់​។ ក្នុងនោះ​លោក Kim Hee Chul បាន​ចូល​បម្រើ​យោធា​កាលពី ខែ​កញ្ញា ឆ្នាំ​២០១១​។ បន្ទាប់ពី​បាន​ចូល​បម្រើ​យោធា​ជិត ១​ខែ លោក Kim Hee Chul បាន​ទទួល​ភារៈកិច្ច​បម្រើ​ឲ្យ​សហគមន៍​នៅ​ស្រុក Sungdong ក្នុង​ទីក្រុង សេ​អ៊ូ​ល​។ គូរ​បញ្ចាក់​ផងដែរ​ថា​មូលហេតុ​ដែល​លោក Kim Hee Chul ត្រូវ​គេ​ដាក់​ឲ្យមក​បម្រើ​ភារៈកិច្ច​ឲ្យ​សហគមន៍​ពី​ព្រោះ​គាត់​ធ្លាប់​ទទួល​រង​របួស​និង​បាន​វះកាត់​កាលពី​ឆ្នាំ ២០០៦ ៕