កាលពីពេលថ្មីៗនេះកម្មវិធីរបស់ប៉ុស្ដិ៍ទូរស្សន៍មានឈ្មោះថា Fuse TV – Music TV ជាប៉ុស្ដិ៍ទូរទស្សន៍ដ៏មានប្រជាប្រិយភាពជាងគេដែលបានគ្រប់ដណ្តប់ជាង ៧៣ លានផ្ទះក្នុងសហរក្ឋអាមេរិច។ ដោយប៉ុស្ដិ៍ទូរស្សន៍នេះបានដាក់ការស្ទង់មតិមួយឲ្យដំណើរការនៅនៅលើបណ្តាញរបស់ខ្លួនដើម្បីជ្រើសរើសសិល្បករអន្តរជាតិថ្មីដែលល្អបំផុត។ ក្នុងនោះ Fuse TV បានជ្រើសរើសសិល្បករអន្តរជាតិចំនួន ៧២ នាក់ដែលជាតារាចម្រៀងល្បីនៅលើពិភពលោកដើម្បីយកមកដាក់លើការស្ទង់មតិនេះ។
ក្នុងនោះគេសង្កេតឃើញថាមានតារាចម្រៀងពីរនាក់តំណាងឲ្យប្រទេសកូរ៉េផងដែរគឺ CL (2NE1) និង G-Dragon (Big Bang)។ ទន្ទឹមនេះ គេដឹងថា Shakira និង Psy ទទួលបានជោគជ័យដោយបានក្លាយជាតារាដ៏ល្បីដែលអន្តរជាតិទទួលស្គាល់បន្ទាប់ពីបានទទួលការគាំទ្រច្រើនពីកម្មវិធីនេះ។ ចំណែកឯតារាចម្រៀងអន្តរជាតិជាច្រើនតែងតែគិតចង់ទទួលបានជោគជ័យក្នុងកម្មវិធី Fuse TV ផងដែរ។
ប្រឈមមុខគា្ននឹងការស្ទង់មតិដោយការបោះឆ្នោតពីអ្នកគាំទ្រក៏មានតារាល្បីដែលមកពីប្រទេសផ្សេងគ្នាជាច្រើនក្រៅពី CL និង G-Dragon បានចូលរួមដូច Priyanka Chopra (ឥណ្ឌា), Belinda (ម៉ិកស៊ិក), Kyary Pamyu Pamyu (ជប៉ុន) និង D’banj (នីហ្សេរីយ៉ា) ដែលសុទ្ធតែជាតារាទទួលបានការបោះឆ្នោតគាំទ្រច្រើន។ ប៉ុន្តែអ្នកដែលទទួលបានការបោះឆ្នោតគាំទ្រច្រើនជាងគេនោះគឺតារាចម្រៀងស្រី Belinda មកពីប្រទេស Mexico ដែលទទួលបាន ៥៧% ចំណែកឯ G-Dragon ដែលតំណាងឲ្យប្រទេសកូរ៉េឈរនៅលំដាប់លេង ២ ទទួលបាន ៤១%។
គូរបញ្ចាក់ផងដែរថាកម្មវិធីស្ទង់មតិនេះយកតែតារារូបណាដែលកំពុងល្បីនៅក្នុងសហរដ្ឋអាមេរិចមកចូលរួមតែប៉ុណ្ណោះ ៕
មតិយោបល់