តារាចម្រៀង អាជីព នាង ព្រាប កន្និដ្ឋា ដែលជាតារាចម្រៀងយ៉េ ប្រចាំ ភោជនីយដ្ឋាន ប៉ាស៊ីហ្វិក ឃីស និង មហាសាល កំពុងតែហក់លោតក្នុងអាជីពសិល្បៈ ច្បាមយកប្រជាប្រិយភាព ទីផ្សារគាំទ្រ ក្រៅពីសំឡេងអ៊ូកញ្ជៀវនៅក្នុង ភោជនីដ្ឋាន។
https://i1272.photobucket.com/albums/y389/domneng/Air/PreabKonitha_zps946f5adc.jpg
កន្និដ្ឋា ក្រៅពីច្រៀងល្បីឈ្មោះ ក្នុងភោជនីដ្ឋាន នាងហាក់ដូចជាមិនទាន់ចេញមុខ ជាសាធារណៈ ដូចតារាចម្រៀងដទៃទៀតនោះទេ ។ ថ្មីៗនេះដែរ ជាមួយនឹងសំឡេងពិរោះ សម្រស់បាន នាងត្រូវបានគេធានាយកទៅច្រៀងនៅក្រៅប្រទេស នោះគឺ អូស្ត្រាលី ដែលទើបតែវិលវិញកាលពីខែ មុននេះ។ជាមួយនឹងដំណើរ ទៅ និងមក នាង នាង ព្រាប កន្និដ្ឋា បានប្រាប់ឲ្យដឹងថា នាងពិតជាសប្បាយរីករាយ ណាស់ ដោយស្រក់ទឹកភ្នែកមិនដឹងខ្លួន ព្រោះថានឹកដល់ក្រុមគ្រួសារ និងជាឱកាសលើកដំបូងចេញទៅក្រៅស្រុក ដូច្នេះរកអ្វីនិយាយមិនត្រូវនោះទេ។
ស្រីស្រស់រូបនេះបានប្រាប់ឲ្យដឹងថា “ដំណើរបញ្ចេញសំនៀងនៅ អូស្ត្រាលី នាងពិតជាទទួលបានជោគជ័យគ្រាន់បើ ពីសំណាក់បងប្អូននៅ អូស្ត្រាលី និងចេញច្រៀងជាច្រើនរដ្ឋ ណាស់ដូចជា ម៊ែលប៊ន ស៊ីដនី និងរដ្ឋជាច្រើនទៀត លើទឹកដីអូស្ត្រាលី” ។
ក្តីរំពឹងរបស់ ព្រាប កន្និដ្ឋា នាងសង្ឈឹមថា អាចនឹងក្តោបប្រជាប្រិយភាព ដូចជាតារាផ្សេងៗទៀត ដែលឈរលើទ្រនំធំៗ នាសព្វថ្ងៃនេះ នៅថ្ងៃណាមួយជាក់ជាមិនខាននោះទេ៕
អត្ថបទដោយ ៖ គង់វង្ស
មតិយោបល់