ប្រទេសចិននឹងតំឡើងប្រព័ន្ធ GPS នៅលើរថយន្តរបស់ដើម្បីទប់ស្កាត់នូវភាពមានៈរបស់មន្ត្រីមួយចំនួនដែលបានយករថយន្តទៅប្រើជាលក្ខណៈឯកជន និងដើម្បីកាត់បន្ថយអំពើពុករលួយ រួមនឹងការចាយថវិកាជាតិខ្ឆះខ្ឆាយ។ នេះបើយោងតាមសារព័ត៌មានក្នុងស្រុកបានឲ្យដឹងកាលពីថ្មីៗនេះ។កាសែតប៉េកាំងថាម បានចុះផ្សាយដោយដកស្រង់នូវសម្ដីរបស់មន្ត្រីរបស់គណៈកម្មការកណ្ដាលអធិការកិច្ចវិន័យ
ថា មានរថយន្តប្រមាណ ២០០.០០០គ្រឿងត្រូវបានពួកមន្ត្រីយកទៅប្រើខុសគោលដៅជាលក្ខណៈឯកជន។
គណៈកម្មការមួយនេះ ក៏បានស្នើទៅកាន់ក្រសួងនិងស្ថាប័នដែលពាក់ព័ន្ធនានាធ្វើការរឹងបន្ដឹងទៅលើរបាយការណ៍នៃការចាយវាយទៅលើរថយន្តនីមួយៗ។ដូចគ្នានេះដែរ កាលពីឆ្នាំ ២០១១ ភាគខាងត្បូងនៃទីក្រុង Guangzhou បានអនុម័តផែនការណ៍ស្រដៀងគ្នានេះ ដោយបានប្រើប្រាស់ប្រព័ន្ធផ្ដាយរណបសម្រាប់ចាប់យកគោលដៅតាមដាន។ ក្រោយពីអនុវត្តរួច តំបន់នោះ
បានសន្សំសំចៃបាន ៤២លានយន់ក្នុងមួយឆ្នាំ ឬស្មើនឹង ៥.០០០យន់ក្នុងរថយន្តមួយគ្រឿង៕
ព័ត៌មានសិល្បៈ និងកម្សាន្ត
មតិយោបល់