មិនដឹងថានរណាម្នាក់ ដែលធ្វើឲ្យតារាចម្រៀងប្រចាំផលិតកម្មថោន លី អ៊ីវ៉ាធីណា ខឹងដាច់ក្បាលដាច់កន្ទុយ រហូតដល់ចង់ប្លក់ អ្នកដែលមិនបានដាក់រូបភាពពិតប្រាកដរបស់ខ្លួន នៅលើបណ្តាញទំនាក់ទំនងសង្គមហ្វេសប៊ុករបស់នាង។
កាលពីថ្ងៃទី ២៩ ខែ តុលានេះ តារាចម្រៀងចេះភាសាចិន នាង លី អ៊ីវ៉ាធីណា បានបង្ហោះ Wall Post នៅលើបណ្តាញទំនាក់ទំនងសង្គមហ្វេសប៊ុកថា “នាងនឹង block អ្នកដែលមិនដាក់រូបពិតទាំងអស់” ។ចំណុចនេះដែរបានធ្វើឲ្យ អ្នកគាំទ្ររបស់នាងមួយចំនួន គាំទ្រ និងអ្នកខ្លះទៀតបានតបមកវិញថា “កាចមេះ” ។
ជុំវិញបញ្ហានេះដែរបានធ្វើឲ្យមជ្ឈដ្ឋានអ្នកស្នេហាវិស័យសិល្បៈគិតថា នាងកំពុងចង់ផ្តាច់ទំនាក់ទំនងជាមួយនឹងអ្នកគាំទ្ររបស់នាង បើសិនជា នាងហានតែ ប្លក់ ចំពោះគណនីមួយចំនួន ដែលធ្លាប់តែ Like និង Request នាង នោះ មានន័យថា នាងចង់ផ្តាច់ទំនាក់ទំនង អ្នកដែលចង់ដឹង ចង់ឭ និងសុខទុក្ខរបស់នាង តាមរយៈបណ្តាញទំនាក់ទំនងសង្គមហ្វេសប៊ុកមួយនេះ ជាពិសេសអ្នកគាំទ្ររបស់នាងតែម្តង។
យើងមិនដឹងពិតប្រាកដ ពីមូលហេតុថា ហេតុអ្វីនាង ចង់ប្លក់មិត្តភក្តិ និងអ្នកគាំទ្ររបស់នាង ដែលលេងហ្វេសប៊ុកដាក់រូបមិនពិតនេះ ។ក្នុងន័យនេះដែរ មហាជនបានធ្វើការសន្និដ្ឋានថា ប្រហែលជាមានអ្នកលេងហ្វេសប៊ុក ណាម្នាក់ដែលប្រើគណនី Fake Account បានផ្ញើសាររំខាន ឬ ប្រមាថ នាងក៏ថាបានដែរ។
គួរបញ្ជាក់ផងដែរថា លើបណ្ដាញសង្គមយក្សមួយនេះ សម្បូរគណនីក្លែងក្លាយណាស់ ហើយហ្វេកប៊ុកក៏បាននឹងកំពុងតែលុបចោលគណនីទាំងនោះបន្តិចម្ដងៗផងដែរ៕
មតិយោបល់