ក្រុមអ្នកវិភាគ Wall Street បានព្យាករទុកថា ប្រាក់ចំណូលរបស់ Facebook នៅក្នុងត្រីមាសទី៣ ឆ្នាំ ២០១៣នេះ មានចំនួន ១៩សេនក្នុងមួយភាគហ៊ុន ស្មើនឹង ១,៩១ពាន់លានដុល្លារអាមេរិក ប៉ុន្តែកាលពីម្សិលមិញនេះ Facbeook បានប្រកាសថា ប្រាក់ចំណូលរបស់ខ្លួនខ្ពស់ជាងការព្យាករនេះ។
Facebook បានប្រកាសឲ្យដឹងថា នៅក្នុងត្រីមាសទី៣ ខ្លួនទទួលបានប្រាក់ចំណូលចំនួន ២,០២ពាន់លានដុល្លារអាមេរិក បើធៀបនឹងរយៈពេលដូចគ្នាកាលពីឆ្នាំ ២០១២ កើនឡើង ៦០ភាគរយ។
បណ្ដាញសង្គមមួយនេះ មិនបាននិយាយអ្វីច្រើននោះទេ ប៉ុន្តែបានបង្ហើបឲ្យដឹងថា ចំនួនអ្នកប្រើប្រចាំថ្ងៃ និងខែបានកើនឡើងខ្ពស់ ហើយប្រាក់ចំណូលនៅក្នុងត្រីមាសទី៣នេះ កើនឡើងដោយសារតែការផ្សព្វផ្សាយពាណិជ្ជកម្មនៅលើទូរស័ព្ទចល័តកើនឡើងខ្ពស់៕
មតិយោបល់