មួយប្រាវមុននេះ តារាចម្រៀងហង្សមាសដ៏ល្បីល្បាញ កញ្ញា ពេជ្រ សោភា បានរងនូវព័ត៌មានរង្គោះរង្គើរ ថាទាក់ទងនឹងនយោបាយ ជាពិសេសនោះគឺ ពាក់ព័ទ្ធនឹងគណបក្សសង្គ្រោះជាតិ ។ តែព័ត៌មាននេះ ត្រូវបានតារាចម្រៀងស្រីរូបនេះតែងតែចេញមុខបកស្រាយញយៗថា នាងមិនបានពាក់ព័ន្ធនឹងនិន្នាការនយោយបាយឡើយ ការរៃអង្គាសប្រាស់នោះវាគ្រាន់តែជា ទឹកចិត្តរបស់នាង ចង់ជួយដល់ប្រជាជនដែលរងគ្រោះដោយទឹកជំនន់តែប៉ុណ្ណោះ ព្រោះថានាងជាមនុស្សម្នាក់ដែលធ្លាប់ឆ្លងកាត់ភាពលំបាកដោយសារតែទឹកជំនន់ នេះ។ម្យ៉ាងវិញទៀត បើនិយាយពីនយោយបាយ នាងមិនដែលពាក់ព័ន្ធ នឹងនឹកឃើញ សូម្បីតែមួយចុងចង្កឹះ ថាខ្លួននឹងត្រូវប្រឡូក្នុងឆាកនយោបាយនោះ តែនាងមានអ្នកដឹកនាំដែលនាងស្រលាញ់ គិតទុកក្នុងចិត្ត។
មិនទាន់សាបរលាបព័ត៌មានខាងលើ ផងស្រាប់តែ ថ្មីៗនេះដែរ នៅក្នុងផ្សារតាខ្មៅ នាខេត្តកណ្តាល ស្រាប់តែលេចឭព័ត៌មានថ្មីសន្លាងមួយទៀតថា “កញ្ញា ពេជ្រ សោភា ជាប់គុក ដោយសារតែចូលដៃជាមួយនឹងបក្សសង្គ្រោះជាតិ ហើយហង្សមាសបញ្ឈប់ការច្រៀងរបស់នាងផងដែរ” ។
ទាក់ទិនរឿងនេះដែរ ភ្នាក់ងារ គេហទំព័រដំណឹង បានខលទៅម្តាយ ពេជ្រ សោភា សួរណែនាំថាវាដូចទៅនឹងពាក្យដែលគេចចាមអារ៉ាមអត់ ! ។ អ្នកម្តាយ ពេជ្រ សោភា បានឲ្យដឹងថា “ហេ ! នរណាថា អាភាជាជាប់គុក ? ហើយល្បីពីណាមក ! អាភា នៅពេលនេះកំពុងតែនៅច្រៀងនៅ លើទឹកដីអាមេរិក និងស្នាក់នៅផ្ទះបងប្អូនបង្កើតរបស់នាង វាមិនដូចជាពាក្យដែលគេនិយាយនោះទេ ។ម្យ៉ាងវិញទៀតរឿងច្រៀងនៅហង្សមាស វាគ្មានរឿងអ្វីទាំងអស់ព្រោះថាហង្សមាសនៅតែអាណិតអាសូរ អាភា ជានិច្ច ។មួយវិញទៀតពាក់ព័ន្ធរឿងនយោយបាន អាភា មិនដែលនឹងអើតកចង់ ទាក់ទងនោះទេ ទឹកចិត្តដែលនាងធ្វើរាល់ថ្ងៃនេះ គ្រាន់តែចង់ជួយដល់អ្នកក្រ និងជនរងគ្រោះដោយទឹកជំនន់បន្តិចបន្តួចតែប៉ុណ្ណោះ ព្រោះថានាង ធ្លាប់ជួបប្រទះកន្លងមក ជាមួយនឹងខ្ញុំ ដែលជាម្តាយនាង”។ម្តាយសោភា បានបន្ត និងសង្កត់ធ្ងន់ថា “សូមផ្តាំហើយផ្តាំទៀតចំពោះបងប្អូនយល់ច្រឡំជាមួយនឹងនាង ថាពាក់ព័ទ្ធរឿងនយោបាយនោះ សូមបញ្ឈប់ទៅ នាងគ្មានចំណង់ចំណូលចិត្តក្រៅពីច្រៀងនោះទេ”។
ជាក់ណាស់ ដូចសម្តីម្តាយ ពេជ្រ សោភា បានរៀបរាប់ចឹង ព្រោះថាមុននេះដែរ ពេជ្រ សោភា បានបង្ហោះវិដេអូឃ្លិបមួយ នៅជាមួយនឹងបងប្អូន និងក្មួយស្រី នៅលើទឹកដីអាមេរិក ។ ត្រង់នេះសបញ្ជាក់ថា នាងគ្មានរឿងអ្វី ដូចដែលគេចចាមអារាមនោះទេ៕
https://i1272.photobucket.com/albums/y389/domneng/Ailya/PichSophea1_zps9503a52b.jpg
https://i1272.photobucket.com/albums/y389/domneng/Ailya/PichSophea3_zps5a20bca3.jpg
https://i1272.photobucket.com/albums/y389/domneng/Ailya/PichSophea4_zps29c636c2.jpg
https://i1272.photobucket.com/albums/y389/domneng/Ailya/PichSophea2_zps46655cd9.jpg
មតិយោបល់