យោងតាមប្រភពព័ត៌មានរបស់ E! News បានចុះផ្សាយជាមួយនិងរូបភាពថា តួប្រុសស្រី ក្នុងរឿង Twilight លោក Robert Pattinson និងនាង Kristen Stewart បានលួចជួបគ្នាស្ងាត់ៗ នៅក្នុងទីក្រុង ឡូអេនជើឡេស សហរដ្ឋអាមេរិក។
ក្នុងរូបភាពនោះ ទំព័រខាងលើបានបង្ហាញឲ្យដឹងថា Kristen Stewart បានជិះឡាន Toyota ពណ៌ខៀវ និង Pattinson ជិះរថយន្ត Jeep របស់ខ្លួនតាមពីក្រោយ តែដឹងថា មានអ្នកចាំប្រមាញ់រូបច្រើនពេកពួកគេក៏បានផ្លាស់ប្តូរកន្លែង ដើម្បីជួបគ្នា។
គូស្នេហ៍នេះបានចែកផ្លូវគ្នាដើរកាលពីខែ ឧសភា ក្នុងឆ្នាំនេះ ដោយ Pattinson បានចាកចេញពីផ្ទះរបស់ Kristen Stewart ចែមទាំងលក់ផ្ទះដែលគេទិញចូលគ្នា ដើម្បីរស់នៅជាមួយនឹងគ្នានោះទៀត។
សម្រាប់លោក Rupert Sanders ដែលជាអ្នកដឹកនាំរឿងវិញ ធ្លាប់មានរឿងសាហាស្មន់ជាមួយនឹង Kristen Stewart ក៏កំពុងជួបរឿងលំបាក ដោយប្រពន្ធបានដាក់ពាក្យលែងលះចប់សព្វគ្រប់ ហើយ Kristen Stewart ក៏មិនអើពើទៀត ។តែទោះជាយ៉ាងណា Kristen Stewart បច្ចុប្បន្ននេះដែរ កំពុងតែធំក្លិនជាប់ខ្លួនជាមួយនឹងរឿង ទាក់ទងប្តីគេនេះ និងធ្វើឲ្យគ្រួសារគេបាក់បែក៕
មតិយោបល់