តារាចម្រៀងដែលមានទឹកដមសំនៀងក្រអួនក្រអៅ ចេញពីទឹកដីអង្គរ កញ្ញា គង់ ចាន់រដ្ឋា កំពុងតែជ្រោងបានប្រជាប្រិយភាពយ៉ាងគក្រឹកគគ្រេង ជាពិសេសនោះ គឺល្បីតាមរយៈការច្រៀងបង្ហោះវិដេអូឃ្លិបនៅ លើបណ្តាញទំនាក់ទំនងសង្គមហ្វេសប៊ុក។
រំដូលដូរដី គង់ ចាន់រដ្ឋា ថ្មីៗនេះល្បីថា នាងកំពុងស្រវ៉ាតោង ផលិតកម្ម ក្នុងស្រុកមួយ ហើយនឹងចេញវ៉ុលចំរៀងក្នុងពេលឆាប់ៗខាងមុខនេះ។
ជួបជាមួយនឹងគង់ ចាន់រដ្ឋា តាមរយៈទូរស័ព្ទដៃ នៅព្រឹកនេះ នាងបានប្រាប់ដល់ គេហទំព័រ ដំណឹង ឲ្យដឹងថា “រឿងដែលគេល្បីតៗគ្នាថានាងបានចូលច្រៀងក្នុងផលិតកម្ម ថ្មីនោះ វាគឺជារឿងពិត ប៉ុន្តែមិនទាន់បានចុះកុងត្រានៅឡើយ ទេ ព្រោះថាពេលនេះនាងកំពុងស្នាក់នៅសៀមរាបនៅឡើយ ដោយមកធ្វើបុណ្យកឋិនទាន ពេលធ្វើរួចរាល់ហើយ នាងនឹងឡើងទៅភ្នំពេញ ដើម្បីបំពេញកុងត្រា ជាមួយនឹងផលិត Diamond Music ” ។សម្រាប់ព័ត៌មាននេះដែរ វាអាចនឹងធ្វើឲ្យអ្នកគាំទ្ររបស់ តារាចម្រៀង គង់ ចាន់រដ្ឋា ភ្ញាក់ផ្អើល សប្បាយរីករាយជាមួយនឹងនាង ជាក់ជាមិនខាននោះឡើយ ។
បញ្ជាក់ផងដែរថា សម្រាប់ផលិតកម្ម Diamonnd Music មួយរយៈមុនដែលមានវត្តមាន តារាចម្រៀង Eno នៅទីនោះ គឺមានភាពល្បីល្បាញខ្ទរខ្ទារគ្រាន់បើដែរ ។ តែទោះជាយ៉ាងណា សម្រាប់ គង់ ចាន់រដ្ឋា គេរំពឹងថា នាងនឹងអាចធ្វើជាតារាចម្រៀងស្រីជួរមុខ ប្រចាំផលិតកម្ម មួយនេះ និងល្បីខ្ជរខ្ជាយ ជាក់ជាមិនខាននោះឡើយនាពេលខាងមុខដ៏ខ្លី៕
https://i1272.photobucket.com/albums/y389/domneng/Ailya/KongChanrotha1_zpsc5fe4f09.jpg
https://i1272.photobucket.com/albums/y389/domneng/Ailya/KongChanrotha2_zps9650e6f1.jpg
https://i1272.photobucket.com/albums/y389/domneng/Ailya/KongChanrotha3_zps591d6965.jpg
https://i1272.photobucket.com/albums/y389/domneng/Ailya/KongChanrotha4_zps342e7f29.jpg
មតិយោបល់