Post News Media ព័ត៌មានសិល្បៈ និងកម្សាន្ត ប្អូនដេននី ក្...

ប្អូនដេននី ក្វាន់ បានតំណែង​ធំគួរសមក្នុងរឿងផលិតកម្មរ៉ក

បន្ទាប់ពីរឿងមុនៗមិនសូវលេ​ចមុខលេចមាត់ ដោយថត​បានតិចប្លង់ ពេលនេះប្អូនដេននី ក្វាន់ លោក គីម សាន ក្តោបបានតំណែង​តួធំគួរសមក្នុងរឿងថ្មីរបស់ផលិតកម្មរ៉ក ។​

វត្តមានថ្មីរបស់ គីមសាន នឹងបង្ហាញ​ខ្លួនតាមរយ:រឿង«កិច្ចសន្យាស្នេហ៍» ដែលជាប្រភេទ​រឿង​ដុំ ផលិតដោយផលិតកម្មរ៉ក ដែលគ្រោងនឹងថត​ក្រោយចូលឆ្នាំរួច​។​

«សម្រាប់រឿង កិច្ចសន្យាស្នេហ៍នេះ​ខ្ញុំជាតួសំខាន់ម្នាក់ ដោយតួអង្គឯកចេញប៉ុន្មានប្លង់ ក៏ខ្ញុំចេញ​ដូចគ្នា » នេះជាសម្តី គីមសាន បានប្រាប់ Post Komsan តាមរយ:ទូរស័ព្ទ នៅព្រឹកថ្ងៃទី​៨ ខែមេសា​ ឆ្នាំ​២០១៧​។​

លោកបានបន្តថា សម្រាប់វត្តមានខ្ញុំក្នុងរឿងនេះ គឺជាតួប្រុសដែលមានរូបរាងស្អាត ប៉ុន្តែ​មានចរិក​ ម្ញិកម្ញក់​ ដោយស្រឡាញ់តួឯកប្រុស ហើយលោកថា​ពិតជាសប្បាយរីករាយណាស់ ដែលបានដើរ​តួ​ចរិកម្ញិកម្ញក់​ ខុសពីរឿងមុនៗ ដើរ​ជាមនុស្សអាក្រក់ និងកាច​។​

នេះគឺជារឿងទី​ពីរទីបីហើយ ដែល​គីមសាន បានបង្ហាញខ្លួនក្នុងវិថីសិល្ប: ខណ:ដែល​តម្លៃ​ខ្លួននៅក្រៅស្រុកក្នុងការថត​ឲ្យទស្សនាវដ្តីសិចស៊ី ឡើងកប់ៗគួរកត់សម្គាល់៕​