ផ្កាយរណបដែលមានឈ្មោះថា “Goce” របស់ទីភ្នាក់ងារអវកាសអឺរ៉ុប(Esa) បានធ្លាក់មកចូលបរិយាកាសរបស់ផែនដី។ នេះបើយោងតាមសារព័ត៌មាន BBC ចុះផ្សាយនៅថ្ងៃទី១១ខែវិច្ឆិកា ឆ្នាំ ២០១៣។
ប្រភពដដែលបានបន្តទៀតថា តាមការវាយតម្លៃពីដំបូង បំណែកនៃផ្កាយរណបនេះ អាចនឹងធ្លាក់នៅតំបន់ណាមួយគឺចាប់ពីអាស៊ីខាងកើត និងពីមហាសមុទ្រប៉ាស៊ីហ្វិចទៅដល់ទ្វីបអង់តាកទិច។
នេះជាលើកទីមួយហើយ សម្រាប់ទីភ្នាក់ងារអវកាសអឺរ៉ុបដែលមិនអាចគ្រប់គ្រងបានការធ្លាក់មកវិញនៃផ្កាយរណបនេះក្នុងរយៈពេលជាង ២៥ឆ្នាំចុងក្រោយនេះ។
ការធ្លាក់មកផែនដីនៃផ្កាយរណបសម្រាប់បេសកកម្មថតផ្តិតរូបភាពផែនដីនេះ គឺជៀសមិនផុតនោះទេ នៅពេលណាវាបានអស់ប្រេងឥន្ធនៈនោះ។
គួរបញ្ជាក់ផងដែរថា ផ្កាយរណប“Goce”នេះ ត្រូវបានបាញបង្ហោះកាលពីឆ្នាំ២០០៩ សម្រាប់បេសកកម្មស្រាវជ្រាវបរិស្ថាននិងការប្រែប្រួលអាកាសធាតុ៕
មតិយោបល់