ជាមួយនឹងរឿងថ្មី លក្ខណៈ 3D ដែលនឹងបង្ហាញខ្លួនលើទីផ្សារក្នុងពេលឆាប់ៗខាងមុខនេះ ក្រោមចំណងជើងថា Firestorm <風暴> ដោយត្រូវវាយលុកទីផ្សារ នៅថ្ងៃទី ១២ ខែ ធ្នូ ឆ្នាំ ២០១៣ ខាងមុខនេះ ដោយ តារាសម្តែង លីតូវហួរ បានធ្វើឲ្យគេចាប់អារម្មណ៍ក្នុងបទសម្ភាស។
បើយោងតាមសារព័ត៌មាន ចិននានាដែលចុះផ្សាយកាលពីថ្ងៃទី ២០ ខែវិច្ឆិកា នេះ បានឲ្យដឹងថា តារាសម្តែងជើងចាស់ដែលមានប្រជាប្រិយភាពហូរហៀរ លោក លីតូវហួរ បានអង្គុយផ្តល់បទសំភាស ជាមួយនឹងផលិតកម្ម Sina Entertainment ដើម្បីផ្តល់មតិ និងពិភាក្សា ជាមួយនឹងសាច់រឿងថ្មី និងទាក់ទងទៅលើសំនួរអំពីជីវិតផ្ទាល់ខ្លួន។
ក្នុងរឿង Firestorm លោក Andy Lau ហៅលីតូវហួ បានសម្តែងជាតួប៉ូលិស ដើម្បីស្វែងរកឃាតករ ជូនជនរងគ្រោះ និងចាប់មេដឹកនាំក្មេងទំនើង។លីតូវហួរ បានពន្យល់ថា គាត់ចង់ប្រើខ្សែភាពយន្តនេះ ឲ្យអ្នកទាំងអស់គ្នាគិតពីប៉ូលិសម្នាក់ដែលល្អជួយដល់សង្គម។ តែអ្វីដែលធ្វើឲ្យអ្នកសារព័ត៌មាន និងអ្នកគាំទ្រចាប់អារម្មណ៍នោះខណៈដែលគាត់បើចំហរពីជីវិតផ្ទាល់ខ្លួនរបស់គាត់ ដែលមានតាំងពីកុមារភាព ដោយចង់ក្លាយជាកសិករម្នាក់ តែបំណងប្រាថ្នានោះ បែរជាខកបំណងព្រោះពេលធំឡើង លោកក្លាយទៅជាតារាសម្តែងទៅវិញ។តែទោះបីជាបរាជ័យ លោក Andy Lau មិនសោកស្តាយនោះទេ តែសំខាន់ផ្តោតជីវិតរីករាយចំពោះអ្វីដែលមាននៅពេលបច្ចុប្បន្ននេះ៕
មតិយោបល់