ការ​ដាក់​បង្ហាញ​ឲ្យ​ដេញ​ថ្លៃ​នូវ​សម្ភារៈប្រើ​ប្រាស់​ផ្ទាល់​ខ្លួន​ជា​ច្រើន​របស់​តារា​សម្តែង​ក្បាច់​គុណ​ដ៏​ល្បី​លោក Bruce Lee​ ដែល​បាន​ធ្វើ​ឡើង​នៅថ្ងៃ​អាទិត្យ​មុន​នៅ​ក្នុង​ទីក្រុងហុងកុង​ ហើយក៏ត្រូវជាខួបទី 40 នៃការស្លាប់របស់តារាសម្តែងរូបនេះផង។នៅ​ក្នុង​ចំណោម​របស់​របរ​ប្រើ​ប្រាស់​ផ្ទាល់​ខ្លួន​ជា​ច្រើន​ គេ​បាន​សម្គាល់ឃើញថាមានអាវពណ៍លឿងមួយដែលលោកបានប្រើប្រាស់នៅក្នុងឈុតសម្តែងជាច្រើន ហើយ​ត្រូវ​បាន​កំណត់​ដាក់​ដេញ​ថ្លៃ​ចុង​ក្រោយ​បាន​ដល់​ទៅ 100,000 ដុល្លារ។ អាវ​​មួយនេះជារបស់មួយក្នុងចំណោមសម្ភារប្រហែលជា 14 មុខដែលត្រូវបានគេដាក់ដេញថ្លៃនៅក្នុងទីក្រុងហុងកុង។អាវ​ពណ៌​លឿង​ដែលត្រូវបានលក់បាន 100,000 ដុល្លារ​នេះ​ត្រូវ​បាន​គេ​ដឹង​ថា​វា​ជា​អាវ​ដែល​លោក​បាន​ពាក់​វា​នៅ​ក្នុង​រឿង​ Game of Death ជា​លើក​ចុង​ក្រោយ ដែលតាមពិតលោកបានស្លាប់នៅមុនពេលដែលសាច់រឿងត្រូវបានថតចប់រួចរាល់។ នៅចាំបានថាដំបងពីកំណាត់របស់ Bruce Lee ក៏​ត្រូវ​បាន​ដាក់​ដេញ​ថ្លៃ​បានដល់ទៅ 12,000 ដុល្លារផងដែរ៕