Post News Media ព័ត៌មានសិល្បៈ និងកម្សាន្ត ប្តី​ ពេជ្រ អ...

ប្តី​ ពេជ្រ អាវីហ្សា បង្កជម្លោះ​ក្នុង​ក្លឹប​បែកផ្សែង​

ភ្នំពេញ: បុរ​សម្នាក់ដែលហៅ តារាសម្តែង​ពេជ្រ អាវីហ្សា ពេញៗមាត់ថា ប្រពន្ធនោះ បានបង្ក​ជម្លោះ ដោយដើររករឿងភ្ញៀវ​ ដែលចូលទៅកម្សាន្ត​នៅក្លឹប​ ៥៥ ក្រោយក្លឹប​ X2 កាលពីរាត្រីថ្ងៃទី​៤ ខែកញ្ញា ឆ្នាំ​២០១៦ ។​

ប្រភព​ដ៏កក់ក្តៅ ច្បាស់ការបំផុត សូមមិនបញ្ចេញឈ្មោះ បាន ប្រាប់ ដល់ Post News នៅព្រឹកថ្ងៃទី​៥ ខែកញ្ញា ឆ្នាំ​២០១៦ នេះ​ឲ្យដឹងថា បុរស​ម្នាក់ដែលគេស្គាល់ឈ្មោះថា ហេង ដែលហៅពេជ្រ អាវីហ្សា ប្រពន្ធ​ពេញៗមាត់នោះ បានចូលទៅកម្សាន្តនៅក្លឹបខាងលើ តែ​ពេលចូលដូច​ជា​អត់មានកន្លែង​អង្គុយ តែ​មួយសន្ទុះក្រោយមក ក៏ដើររករឿងគេ​ឯងនៅមុខ​ក្លឹបតែម្តង ។​

ខណ:នោះ ពេជ្រ អាវីហ្សា បានស្ងាត់មាត់ជ្រាបតែម្តង ដែលទំនង ជាហួសចិត្ត និងប្រុសស្នេហ៍ខ្លួន សម្ញែង​នូវកាយវិការ បង្ហាញចរិត ជាបងធំ ទៅកាន់ភ្ញៀវ ដែលនៅទីនោះថា នៅក្លឹបនេះមានតែគេ ចឹង នរណាក៏មិនអាចប៉ះប្រពន្ធ​ខ្លួន បានឡើយ ថែម​ទាំង​ស្រែកជេគេជេឯង ពេញក្លឹប​។​

ប្រភពខាងលើ បានបន្តថា បើតាមសម្តីមិត្តភក្តិបុរសដែលហៅ ពេជ្រ អាវីហ្សា ពេញៗមាត់ថា ប្រពន្ធនោះ ឲ្យតែ​ស្រវឹង គឺ​បញ្ចេញចរិតបែបនេះចេញមកហើយ ដោយដើររករឿងគេ​ឯង ។ ក្រោយរករឿង​ភ្ញៀវពេញក្លឹបនោះ សន្តិសុខ បាន ឲ្យបុរសនោះ ចេញពីមុខក្លឹប ហើយផ្តាំ​ឲ្យទៅឈ្លោះគ្នា នៅក្បែរ​វិមានឯករាជ្យទៅ ។​

ប្រភពខាងលើបានបន្ថែមថា ពេជ្រ អាវីហ្សា ជា​តារាសម្តែងដ៏ស្អាតចឹង មិនសមណា មាន​មិត្តប្រុស ចរិតធូរថ្លៃ យ៉ាងដូច្នោះសោះ ដែលមិនសមនឹងរូបសម្រស់ និងចរិយាមាយាទដ៏ទន់ភ្លន់របស់ នាងឡើយ ។​
ពាក់ព័ន្ធនឹងបញ្ហានេះ យើងមិនទាន់អាចសូមការស្រាយបំភ្លឺពី ពេជ្រ អាវីហ្សា នៅឡើយនោះទេ នៅព្រឹកនេះ ប៉ុន្តែ Post News ស្វាគមន៍ ជានិច្ច ដោយរងចាំ​ការ​បញ្ជាក់ពីតារាសម្តែងខាងលើ​៕​

Pich Avisa (1)

Pich Avisa (2)

Pich Avisa