(ភ្នំពេញ)៖ ដូចទស្សនិកជនបានជ្រាប់ហើយ នាពេលថ្មីៗនេះបទចម្រៀង Cover ចម្រៀងជាភាសាថៃ និងចិន បកស្រាយដោត ព្រះនាងតូច នរោត្តម ជេនណា គឺគ្រាន់តែបញ្ចេញមកភ្លាម គឺទទួកបានការចាប់អារម្មណ៍ជាខ្លាំង ពីសំណាក់ទស្សនិកជនក្នុងបណ្តាញសង្គម ខណ:បទនេះ មានចំណងជើងថា « คู่กัด Koo Gud»។ ដោយមានសន្ទុះនៃការគាំទ្រខ្លាំង បានធ្វើឲ្យចម្រៀងមួយនេះ មានអ្នកចូលទស្សនារហូដល់ ១លានដង ក្នុងរយ:ពេលមិនដល់២៤ម៉ោងផង។

តាមរយ:ផេកផ្លូវការរបស់ ព្រះនាងម្ចាស់តូច នរោត្តម ជេនណា បានបង្ហោះសារអបអរសាទរយ៉ាងដូច្នេះថា «អបអរសាទរ បទចម្រៀង คู่กัด Ku Gat ( Thai & Chinese COVER) ម្ចាស់ដើម គឺលោក Bird (Thongchai McIntyre) បានទទួល១ លាន VIEWS រយ:ពេលតិចជាង ២៤ ម៉ោង! អរគុណច្រើនសម្រាប់ការគាំទ្រ»។

ជាមួយនឹងស្នាដៃចម្រៀងថ្មីនេះផងដែរ មិនត្រឹមតែច្រៀងជាភាសាថៃដែលជាសំនៀងដើមរបស់លោក Bird នោះទេ តែក៏មានច្រៀងជាភាសាចិនយ៉ាងពីរោះផងដែរ។ ខណ:បទចម្រៀងថ្មីដែល Cover ពីបទ Koo Gud ក៏មានមតិលើកសរសើរថា ព្រះនាងម្ចាស់សម្តែងបានល្អគួរឲ្យស្រឡាញ់ ខណ:ទឹកដមសំនៀង ដែលបកស្រាយទាំងភាសាថៃ និងចិន គឺបានល្អ ប្រៀបដូចភាសាកំណើត៕