ផ្អែកតាមរបាយការណ៍បឋមពីស្នងការដ្ឋាននគរបាលខេត្តព្រះសីហនុបញ្ជាក់ឲ្យដឹងថា នៅថ្ងៃទី២៥ ខែកក្កដា ឆ្នាំ២០២១ វេលាម៉ោង១៤:២៥នាទី សមត្ថកិច្ចជំនាញបានចូលរួមធ្វើការឆែកឆេរត្រួតពិនិត្យលើនាវាចិនចំនួន០១គ្រឿង ឈ្មោះ តុងហាយ និងមនុស្សចំនួន ៣៨នាក់ក្នុងនោះជនជាតិចិនចំនួន៣៦នាក់ (ស្រី០១នាក់) និងខ្មែរ ចំនួន០២នាក់ ដែលបានលួចឆ្លងដែនខុសច្បាប់ចូលមកព្រះរាជាណាចក្រកម្ពុជា ដែលប្រតិបត្តិការនេះដឹកនាំដោយលោក ពេញ ពិសិដ្ឋ ព្រះរាជអាជ្ញារងនៃអយ្យការខេត្តព្រះសីហនុ និងចូលរួមពីសមត្ថកិច្ចដែលមកពី(មូលដ្ឋានសមុទ្រ,ទីបញ្ជាការជួរមុខ, ប៉ុស្តិ៍ច្រកទ្វារកំពង់ផែអន្តរជាតិ និងស្នងការដ្ឋាននគរបាលខេត្តព្រះស៊ីហនុ) ។