គូស្វាមីភរិយាតារា តារាចម្រៀងប្រុស Justin Bieber និងតារាទូរទស្សនិ៍ Hailey Bieber ត្រូវបានគេប្រទះឃើញ បណ្តើរគ្នាទៅទទួលទានអាហារពេលល្ងាច នៅឯភោជនីយដ្ឋានស៊ូស៊ី មួយកន្លែង កាលពិថ្មីៗនេះ នៅភាគខាងលិចហូលីវូដ នៃរដ្ឋ កាលីហ្វ័រញ៉ា។

ក្នុងរូបភាពទាំងនោះ អ្វីដែលចាប់អារម្មណ៍គឺស្ទីលតុបតែងខ្លួនរបស់អ្នកទាំងពីរ ទោះបីជាពួកគេបានរៀបការរួចទៅហើយ ក៏ប៉ុន្តែការលេងស្ទីល ម៉ូត Feshion របស់ពួកគេ នៅតែជាទីក្រសែភ្នែករបស់មហាជន ពោលគឺគ្រប់ពេលដែលប្តីប្រពន្ធវ័យក្មេងមួយគូ បណ្តើរគ្នាចេញទៅក្រៅ គឺតែងតែមានគេចាប់អារម្មណ៍ និងត្រូវបានប្រពន្ធផ្សព្វផ្សាយចុះផ្សាយព្រោងព្រាត។

តែយ៉ាងណាមិញ ការលេចខ្លួនឡើងជាសាធារណ:លើកនេះ តារាប្រុសកើតឆ្នាំ១៩៩៤ Justin Bieber បានទាក់ទាញចំណាប់អារម្មណ៍មហាជនមិនស្ទើរនោះទេ ព្រោះតែការលេងស្ទីលបែបបែកស្លុយ ជាមួយខោអាវ រលុកៗ ហៀរដៃ ហៀរជើង តែផ្ទុយទៅវិញ ការលេងស្ទីលរយីករយៀក បែរជាធ្វើឲ្យមានភាពទាក់ទាញ កាន់តែទ្វេដង ព្រោះតែភាពសង្ហារបស់លោក តាមរយនិយម ការលេងស្ទាយ៍បែបនេះផងដែរ៕