(ភ្នំពេញ)៖ ទស្សនិកជនហាក់មានការចាប់អារម្មណ៍យ៉ាងខ្លាំង ពេលឃើញតារាចម្រៀងវ័យក្មេងជ្រកក្រោមទ្រនំសាន់ដេ កញ្ញា វីរៈ និច្ច ដែលតែងតែបញ្ចេញរូបភាពសិចស៉ី លើបណ្តាញសង្គមធ្វើឲ្យប្រុសៗក្នាញ់នោះ បែរជាកំពុងភ្ជាប់ពាក្យជាមួយបុរសសង្ហាម្នាក់យ៉ាងស្ងាត់ៗ ចំពោះមុខមេបាទាំងសងខាង ក្នុងនោះក៏មានវត្តមានរបស់តារាចម្រៀងល្បីលោក ខាន់ ជេមស៍ ដែលត្រូវជាពូរបស់នាងផងដែរ។

រូបភាពកំឡុងពេលភ្ជាប់ពាក្យយ៉ាងស្ងាត់ស្ងៀមរបស់ម្ចាស់បទ «ជាតិនេះឆាចោល» កញ្ញា វីរៈ និច្ច ត្រូវបានអ្នកគាំទ្រចែករំលែកច្រើនសន្ធឹកសន្ធាប់ ពីគណនីហ្វេសប៊ុកផ្លូវការរបស់បុរសជាគូដណ្ដឹងឈ្មោះ Kheiv Pich II ជាមួយគ្នានោះ គេក៏ឃើញមានអ្នកសិល្បៈជាច្រើនបានចូលរួមផ្ញើសារអបអរសាទរថ្ងៃល្អរបស់ វីរៈ និច្ច និងមានទាំងពាក្យជូនពរជាហូហែរដល់ផងដែរ។

គេមិនទាន់ដឹងនៅឡើយទេថា តើនាងនិងគូដណ្តឹងចូលរោងការនៅថ្ងៃណា?