(ភ្នំពេញ)៖ តារា Tik Tok ល្បីឈ្មោះ និងស្រស់ស្អាត គឺសុខ លីន ដែលមានរូបសម្រស់ស្រស់សោភា និងចូលចិត្តបង្ហោះវីដេអូរាំ ក្រលែងខ្លួនយ៉ាងសមសួន ជាមួយដងខ្លួនដ៏រាងស្រឡូន មួយរយៈចុងក្រោយនេះ សង្កេតឃើញថា ទាំងរូបរាង និងពណ៌សម្បូរហាក់ប្រែប្លែកខុសពីមុន នេះប្រហែលជាដោយសារតែតារា Tik Tok រូបនេះ ចេះតែងខ្លួន រួមទាំងកែសម្ភស្សកន្លែកណាខ្លះក៏មិនដឹង។

យ៉ាងណាមិញ ក្រោយជួបព្យុះភ្លៀងឥតឈប់ឥតឈរ ទាំងរឿងគ្រួសារ និងរឿងស្នេហា សុខ លីន ក៏បានបំពេញមុខមាត់ជាកូនស្រីកត្តញ្ញូដោយបានទិញរថយន្តស៊េរីថ្មីមួយគ្រឿងជូនលោក ឪពុក ជាញើសឈាម ការខិតខំកសាងជីវិតថ្មី និងការខំប្រឹងប្រែងរកស៊ី តាំងពីបាតដៃទទេមកដល់សព្វថ្ងៃនេះ។

តារា Tik Tok រូបនេះ ក្រោយពីជោគជ័យ ពីផលិតផលរបស់ខ្លួនមក ក៏ឃើញមានភាពស្រស់បំព្រងឡើង មិនដូចពីមុនជួបតែរឿង ឈឺចាប់ ហើយក៏បានឮដំណឹងថា ក៏មានអ្នកស្អំបេះដូងផងដែរ ចំណែកនាងក៏បានបង្ហោះសារថា `ស្នាមញញឹម របស់ប៉ា គឺជាក្ដីសង្ឃឹមរបស់កូនតែម្នាក់គត់»៕