(ថៃ)៖ ត្បិតថាវ័យជិត៦០ឆ្នាំក្តី តែយាយក្រវីសក់ ហាក់មិនទទួលស្គាល់សោះថាខ្លួនបានចូលវ័យកាន់តែចាស់ ដោយបានបង្វែរទៅកែសម្ភស្ស ដើម្បីបង្កើនភាពស្រស់ស្អាត់។ តារារូបនេះបានបង្កភាពភ្ញាក់ផ្អើលដល់អ្នកគាំទ្រឥតឈប់ឈរ ចំពោះការបើកបង្ហាញរូបភាព ពី តារា Net Idol Sitang ហៅ យាយគ្រវីសក់ ក្រោយពីការវះកាត់កែសម្ផស្សថ្មី ដែលកំពុងតែផ្ទុះការចាប់អារម្មណ៍ពេញបណ្ដាញសង្គមក៏ដូចជាចង់ឃើញពីភាពប្រែប្រួលទៅលើមុខមាត់របស់តារារូបនេះ។

ថ្មីៗនេះ Sitang ស្រាប់តែបានបង្ហាញពីរូបថត មុននិងក្រោយពេលកែសម្ផស្ស ដែលបានបង្ហាញឲ្យឃើញពីភាពខុសប្លែកគ្នាយ៉ាងច្បាស់ៗ បន្ទាប់ពីឆ្លងកាត់ការវះកាត់ជាច្រើនកន្លែង ដូចជា ពង្រីកថ្ងាស ការកាត់ថ្គាមរាងអក្សរ V ការកែឆ្អឹងថ្ពាល់ និងការវះកាត់ច្រមុះ ជាដើម។ ម៉្យាងវិញទៀត ជាមួយនឹងរូបភាពស្រឡាងមួយនេះ Sitang ក៏បានធ្វើឲ្យការ Make up តែងមុខលើកសម្រស់ឲ្យកាន់តែមានភាពលេចធ្លោជាងមុនទៅទៀត។

ជាពិសេស អ្នកគាំទ្រជាច្រើនក៏បានមកបញ្ចេញមតិកោតសរសើរ ចំពោះការផ្លាស់ប្តូរនេះ ដែលមានភាពស្រស់ស្អាត ល្អប្រសើរជាងមុន ព្រមទាំងមិនគួរឱ្យជឿទេថា Sitang ក្នុងវ័យប្រហែលជិត ៦០ ឆ្នាំ អាចធ្វើការផ្លាស់ប្តូរច្រើនទៅលើសម្រស់របស់ខ្លួន៕