លោក Tik Jesdaporn Pholdee បានឈានជើងចូលសិល្បៈតាំងពីឆ្នាំ ១៩៩៧ ដោយចាប់ផ្តើមពីការសម្តែងភាពយន្តក្នុងរឿង “Dang Bireley’s and Young Gangsters” ដោយលោកមានទេពកោសល្យក្នុងការសម្តែង បានធ្វើឱ្យគាត់ទទួលបានប្រជាប្រិយភាពយ៉ាងទូលំទូលាយ។ក្រៅពីទេពកោសល្យសម្តែង លោក Tik Jesdaporn Pholdee ក៏មានជំនាញ ពិសេសជាច្រើនទៀតមិនថាជាតារាចម្រៀង ពិធីករ ថែមទាំងជាអ្នកបញ្ចូលសម្លេងទៀតផង ។ លើសពីនេះ គាត់ក៏ជាតារាសម្ដែងឯករាជ្យ និងចូលចិត្តធ្វើដំណើរកម្សាន្តបែបធម្មជាតិ ដោយគាត់បានធ្វើដំណើរជាច្រើនកន្លែងក្នុងនិងក្រៅប្រទេស។ បច្ចុប្បន្នបើទោះជាគាត់មានអាយុខ្ទង់ ៤០ ហើយក៏ដោយ ក៏ភាពស្រស់ស្អាតរបស់គាត់ មិនផ្លាស់ប្ដូរទាល់តែសោះ ហេតុនេះហើយទើបគាត់ជាប់ឈ្មោះជា តារាប្រុសសង្ហារដោយធម្មជាតិ ដោយមិនមាន ការកែកុនអ្វីឡើយ។

ដូចដែលបានដឹងហើយថា លោក Tik បានរៀបការជាមួយនិងអ្នកនាង Peach Sitmon Taengsuwan និងមានកូនប្រុសពីរនាក់ឈ្មោះ Tent និង Tin ។ ទោះបីជាគាត់មិនបង្ហាញមុខគ្រួសារ នៅក្នុង ប្រព័ន្ធផ្សព្វផ្សាយញឹកញាប់ក៏ដោយ ប៉ុន្តែទង្វើរបស់គាត់គឺភស្តុតាងបង្ហាញឲ្យយើងឃើញថា គាត់គឺជាឧត្តមស្វាមី និងជាលោកប៉ាដ៏ល្អមួយរូប។

នាសម័យនេះ បុរសសង្ហាដែលមានទាំងកេរ្តិ៍ឈ្មោះល្បីល្បាញ ហើយជាឧត្តមស្វាមីដ៏ប្រពៃ ដូចលោក Tik Jesdaporn គឺជាអ្វីដែល នារីៗគ្រប់រូបប្រាថ្នាចង់បាន។ តែសម្រាប់លោក Tik Jesdaporn ស្រឡាញ់ និងស្មោះត្រង់ចំពោះប្រពន្ធគឺមានតែម្នាក់គត់ ។

ម្យ៉ាងចាប់តាំងពី គាត់រៀបការមានគ្រួសារមក គាត់មិនដែលមានរឿងអាស្រូវ មិនល្អទាក់ទិននឹងជីវិតគ្រួសារឡើយ ក្រៅពីជីវិតអាពាហ៍ពិពាហ៍ដ៏មានសុភមង្គល ដោយសារតែអ្វីៗគ្រប់យ៉ាងគឺល្អឥតខ្ចោះ ទើបមិនចម្លែកទេ ដែល គាត់ត្រូវបានគេកោតសរសើរ នឹងលើកតម្កើងជាឧត្តមស្វាមីទិព្វនៅក្នុងដួងចិត្តអ្នកគាំទ្រគ្រប់រូប ។