ជាការពិតណាស់ ក្រោយប្រសព្វជួបគូដណ្តឹងជាបុរសសង្ហា កាន់ជំនួញក្នុងដៃជាច្រើនហើយនោះ ពេជ្រ សូលីកា ត្រូវបានមហាជនប្រុសស្រីសរសើរពីសំណាងរបស់នាងយ៉ាងខ្លាំង ។ មិនត្រឹមតែប៉ុណ្ណោះ មហាជនបានលើកឡើងថា ពេជ្រ សូលីកា មើលទៅពិតជារស់នៅយ៉ាងមានសុភមង្គល ចាយជីវិតហាយសូរ តែងខ្លួនចាយរាងស្អាតៗរៀងរាល់ថ្ងៃ ។
យ៉ាងណាមិញ បើក្រឡេកទៅមើលជីវិតប្រចាំថ្ងៃរបស់តារាចម្រៀងស្រី ពេជ្រ សូលីកា មិនត្រឹមតែចេះតែកាន់មៃក្រូហ្វូនច្រៀងលើឆាក ឬ ចាំតែតែងខ្លួនស្អាតៗបង្ហាញនូវជីវិតហាយសូររបស់នាងតែម្យ៉ាងទេ នាងក៏ជាស្ត្រីមេផ្ទះមួយរូប ដែលបំពេញតួនាទីជាភរិយា និង អ្នកម្តាយដ៏ល្អផងដែរ ។
ជារឿយៗអ្នកលេងបណ្តាញសង្គមហ្វេសប៊ុក តែងបានឃើញ ពេជ្រ សូលីកា ចែករំលែករូបភាពការងារនៅក្នុងផ្ទះបាយរបស់នាង ជាពិសេសការរៀបចំចាត់ចែងទុកដាក់ម្ហូបអាហារតែម្តង ។ ចំណុចនេះបានធ្វើឱ្យអ្នកគាំទ្រសរសើរថា ពេជ្រ សូលីកា ល្អទាំងព្រម ការងារល្អ កាន់ជំនួញក្នុងដៃយ៉ាងជោគជ័យ និង ជាស្ត្រីមេផ្ទះដ៏ចំណានទៀត ទើបស្វាមីលង់ចិត្តស្រឡាញ់យ៉ាងនេះ ៕
មតិយោបល់