(ភ្នំពេញ)៖ អាចនិយាយបានថា អ្នកនាង គឹម លីហ្សា គឺជាតារាសម្តែងចាស់វស្សាម្នាក់របស់កម្ពុជា ដែលទទួលបានការគាំទ្រខ្លាំងពីសំណាក់ទស្សនិកជនកម្ពុជា។ យ៉ាងណាមិញ ថ្មីៗនេះអ្នកលេងបណ្តាញសង្គមហាក់មានការចាប់អារម្មណ៍ជាខ្លាំង បន្ទាប់ពី តារាសម្តែងស្រីដ៏មានប្រជាប្រិយ អ្នកនាង គឹម លីហ្សា បង្ហោះរូបភាពប៉ុន្មានសន្លឹក អមដោយវីដេអូបង្ហាញពីការវះកាត់កែកុនច្រមុះ និងចង្ការ។

អ្នកនាង គឹម លីហ្សា បានសរសេរសារយ៉ាងដូច្នេះថា «បងប្អូនអ្នកស្គាល់ឆាតមកសួរច្រើន រឿងច្រមុះនិងចង្កា ចង់ដឹងថាធ្វើនៅ ពេទ្យណា សុំទោសផងខ្ញុំអត់ទាន់ចង់ប្រាប់ពេលនេះទេ ចាំអ៊ុតមើលលទ្ធ ផលទំរងច្រមុះនិងចង្កាខ្ញុំសិនទៅ ថាតើពេលនោះយ៉ាងមិចដែរ ហើយ ពេលនោះខ្ញុំនិងបង្ហាញឈ្មោះពេទ្យតែម្ដង»។

សូមបញ្ជាក់ថា នេះអាចថាជាលើកទី១ហើយ ដែលមហាជនបានឃើញថាតារាសម្តែងស្រីជួរមុខរូបនេះសម្រេចចិត្តធ្វើការកែកុន និងបង្ហាញជាសាធារណ: ខណ:ដែលមហាជនភាគច្រើនកម្របានឮ និងដឹងពីព័ត៌មាននេះ៕