(បរទេស)៖ ផលិតកម្ម Disney បានសម្រេចថានឹងមិនចាក់បញ្ចាំងភាពយន្ត Doctor Strange (ដុកទ័រ ស្ត្រេង) វគ្គថ្មី នៅតាមប្រទេសមួយចំនួននៅតំបន់មជ្ឈឹមបូព៌ាឡើយ ក្រោយមានការស្នើសុំឲ្យដកឈុតខ្លីដែលតំណាងឲ្យការស្រឡាញ់ភេទដូចគ្នា។
មន្ត្រីមួយរូបនៅប្រទេសប្រទេសអារ៉ាប៊ីសាអ៊ូឌីតបានប្រាប់ដល់កាសែត The Guardian (ដឺ ហ្គាដៀន) ថាផលិតកម្ម Disney ត្រូវបានស្នើឲ្យលុបឈុតមួយចេញពីភាពយន្ត Doctor Strange វគ្គថ្មី ដោយក្នុងឈុតនោះ គឺបានបង្ហាញពីតួអង្គឈ្មោះ America Chavez (អាមេរីខា ឆាវេស) រស់នៅជាមួយម្ដាយជាអ្នកស្រឡាញ់ភេទដូចគ្នា។ យ៉ាងណាក្ដី ផលិតកម្ម Disney (ឌីសនី) បានប្រកែកនូវសំណើរនេះ ហើយបានសម្រេចថានឹងមិនចាក់ផ្សាយភាពយន្ត Doctor Strange វគ្គថ្មី នៅអារ៉ាប៊ីសាអ៊ូឌីត រួមជាមួយប្រទេសនៅតំបន់មជ្ឈឹមបូព៌ាមួយចំនួនទៀតដែលមិនពេញចិត្តចំពោះឈុតខ្លីនេះឡើយ។
គួរដឹងដែរថាសាច់រឿងក្នុងសៀវភៅត្លុក តួអង្គ America Chavez (អាមែរីកា ឆាវេស) ត្រូវបានបង្ហាញថាជាតួអង្គស្រីស្រឡាញ់ស្រីដែលចូលចិត្តមើលងាយសមត្ថកិច្ច និងចូលចិត្តប្រើហិង្សាថែមទៀតផង។ ចំណែកក្នុងភាពយន្ត អត្តសញ្ញាណភេទរបស់តួអង្គនេះបានបង្ហាញតាមរយៈការដែលនាងបានប្រើម្ជុលខ្ទាសដែលតំណាងឲ្យសហគមន៍អ្នកស្រឡាញ់ភេទដូចគ្នា។
![](https://i0.wp.com/domneng.news/wp-content/uploads/2022/05/Doctor-Strange-2-Wong-Scarlet-Witch-America-Chavez-Art.webp?resize=1000%2C500&ssl=1)
![](https://i0.wp.com/domneng.news/wp-content/uploads/2022/05/Doctor-Strange-1200x900-1.jpg?resize=1000%2C750&ssl=1)
![](https://i0.wp.com/domneng.news/wp-content/uploads/2022/05/Doctor-Strange.webp?resize=681%2C383&ssl=1)
![](https://i0.wp.com/domneng.news/wp-content/uploads/2022/05/Doctor-Strange-2-Trailer-Stephen-Variant.webp?resize=1000%2C500&ssl=1)
![](https://i0.wp.com/domneng.news/wp-content/uploads/2022/05/doctor-strange-2-spoilers-leaks.webp?resize=1000%2C563&ssl=1)
មតិយោបល់