យោងតាមរបាយការណ៍នៃអ្នកនាំពាក្យរបស់ក្រុមហ៊ុនផលិតខ្សែភាពយន្តរបស់ពិភពលោក Hollywood បាននិយាយថារឿង Fast & Furious 7 ដែលនៅមិនទាន់ថតចប់នៅឡើយនោះនឹងនៅតែបន្តដំណើរការធម្មតាបើទោះបីជាមានការអវត្តមានដោយសារមរណៈភាពរបស់តួអង្គសំខាន់មួយនៅក្នុងភាពយន្តនេះក៏ដោយ។
លោកបានបន្តទៀតថាមានកាសែតទស្សនាវដ្ដីជាច្រើនដែលបានធ្លាប់សរសេរថាការថតខ្សែភាពយន្តមួយរឿងនេះនឹងត្រូវពន្យាពេលក្រោយការស្លាប់របស់លោក Paul តែវាមិនមែនជាការពិតនោះទេហើយវានឹងត្រូវដាក់បញ្ចាំងដូចធម្មតានិងទៅតាមពេលវេលាកំណត់។
គ្រោះថ្នាក់ដែលបានធ្វើឲ្យ Paul ស្លាប់បានកើតឡើងនៅពេលរូបលោកកំពុងទទួលបានការឈប់សម្រាកពីការថតដែលតាមផែនការលោកនឹងត្រូវហៅមកប្រជុំបន្តការថតឡើងវិញនៅថ្ងៃអាទិត្យទៅហើយ។
គួរបញ្ជាក់ថាការស្លាប់របស់ Paul កាលពីថ្ងៃសៅរ៍បានធ្វើឲ្យមានការភ្ញាក់ផ្អើលយ៉ាងខ្លាំងពីសំណាក់អ្នកតាមដាននិងអ្នកគាំទ្រខ្សែភាពយន្ត Fast & Furious ដោយសារតែ Paul ជាតួអង្គសំខាន់មួយនៅក្នុងរឿងនេះនៅពេលដែលសូម្បីតែវាមិនទាន់បានថតចប់ផងនោះ។វាបានធ្វើឲ្យមានការងឿងឆ្ងល់ថាការថតបន្តនឹងដំណើរការយ៉ាងណានោះ? ៕
ទស្សនាវីដេអូឃ្លិបខ្លីៗ Fast & Furious 7 ដូចខាងក្រោមនេះ៖
មតិយោបល់