(ភ្នំពេញ)៖ នាយ សង់ ស៊ីស បានធ្វើឲ្យមហាជនជាច្រើនរំភើបរួមទាំងក្តីបារម្ភ ក្រោយឃើញវត្តមានរបស់លោកតា ឡើងឆាកច្រៀងចម្រៀងដើម្បីអបអរដល់ថ្ងៃកាត់ចំណងដៃចៅ ទាំងភ្លេចភ្លាំង។តារាកំប្លែងជើងចាស់លោកតា សង់ ស៊ីស ដែលជាតារាកំប្លែងដ៏មានប្រជាប្រិយភាពមួយរូប បានធ្វើឲ្យមហាជនជាច្រើនសរសើរពីភាពរឹងមាំរបស់លោកតា បើទោះបីជាលោកចាស់ជរាតាមវ័យយ៉ាងណាក៏ដោយ ក៏លោកនៅតែព្យាយាមឡើងឆាកដើម្បីច្រៀងអបអរក្នុងថ្ងៃកាត់ចំណងដៃចៅ ទាំងភ្លេចភ្លាំងយ៉ាងណាក៏ដោយ រហូតធ្វើឲ្យគ្រប់គ្នាសរសើរ ថែមទាំងអ្នកខ្លះក៏បារម្ភពីសុខភាពរបស់លោកតាដែរ។

បើយោងតាមគណនីហ្វេសប៊ុករបស់លោក តុលា មង្គល ដែលជាក្រុមចុងភៅ បានបង្ហោះវីដេអូពីរបស់លោកតា សង់ ស៊ីស ឡើងច្រៀងលើឆាកតន្រ្តី កាលពីថ្ងៃទី២៩ ខែឧសភា ឆ្នាំ២០២២ កន្លងទៅថ្មីៗនេះជាមួយកូនស្រី ឆយ និងលោក ឆ្អឹង ដោយភ្ជាប់ជាមួយសារបញ្ជាក់ថា ការស្រលាញ់និងចូលចិត្តវិស័យសិល្ប: ពុក ស៊ីស ក្នុងកម្មវិធីកាត់ចំណងដៃរបស់ចៅ បានបង្ហាញនឹករលឹកនៅបទចម្រៀងរបស់ពុកដែលធ្លាប់ តែសម្តែងជាមួយកុណស្រី ឆយ យកមកស្រាយកម្សាន្តដោយក្តីស្រលាញ់។ ដោយផ្នែកលើវិដេអូច្រៀងនេះ បានធ្វើឲ្យគ្រប់គ្នា សរសើរនឹកស្រណោះអាណិតលោកតា ដែលបានបាត់បង់សមត្ថភាពសឹងតែទាំងអស់ទៅតាមវ័យបែបនេះ។

សូមបញ្ជាក់ផងដែរថា តារាកំប្លែងនាយ សង់ ស៊ីស មានជំងឺជាច្រើនមុខទៅតាមវ័យអស់ពេលជាច្រើនឆ្នាំមកហើយ រហូតមកដល់ពេលនេះ ឃើញសភាពសុខភាពរបស់លោកនៅរឹងមាំល្អណាស់ តែសមត្ថភាពនៃការចងចាំវិញហាក់ចុះខ្សោយជាងមុន។