ភ្នំពេញៈ សុខៗ ស្រាប់តែធ្លាយនូវព័ត៌មាន ថា គង់ ចាន់រដ្ឋា មានកូន ហើយកូននោះបានស្លាប់ និងបានធ្វើបុណ្យឧទ្ធិសនៅពេលថ្មីៗ ដែលបង្កើតជាចម្ងល់ដល់មហាជន យ៉ាងខ្លាំង ។
វាចាត់ទុកជាដំណឹងមួយដ៏ភ្ញាក់ផ្អើល មួយចម្អិនកំពឹស ខណៈដែលគេស្គាល់ថា គង់ ចាន់រដ្ឋា គឺនៅលីវ តែបែរជានាងបង្ហោះសារថា នាងមានកូន និងធ្វើបុណ្យជូនកូននោះ ដែលបានស្លាប់ទៅ។
គង់ ចាន់រដ្ឋា បានបង្ហោះសារនៅលើហ្វេសប៊ុកនៅថ្ងៃទី១៤ ខែកញ្ញា ឆ្នាំ២០១៦ ថា ថ្ងៃនេះគឺជាថ្ងៃខួបកំណើតរបស់កូន ស៊ិន សុវីរះវិទូ គំរប់អាយុ ២ ឆ្នាំ ថ្ងៃកើត ១៤.០៩.២០១៤ ថ្ងៃមរណភាព ២៤.០៧.២០១៦ ម៉ាក់ប៉ាពូនឹងម៉ាក់យាយបានធ្វើចង្ហាន់យកមកវត្តដើម្បីបញ្ជូនកុសលផលបុណ្យអោយទៅដល់កូនទូ។
ជាមួយសំណេរដ៏ខ្លីរបស់គង់ ចាន់រដ្ឋា បានធ្វើឲ្យមហាជនភ្ញាក់ផ្អើល ខណៈដែល កូនប្រុសដែលស្លាប់ទៅមានឈ្មោះ ស៊ិន សុវីរះវិទូ ហើយត្រកូលកូនទៀតសោត ដូចទៅនឹងត្រកូល តារាកូនភ្លោះ ដែលត្រូវជា សង្សាររបស់នាង ស៊ិន សុភ័ក្ត្រ និង ស៊ិន សុភា នោះ ជាដើមចមធ្វើឲ្យគេមានមន្ទិលសង្ស័យថា នាងមានកូន ជាមួយនិង តារាកូនភ្លោះ ។
ទោះជាយ៉ាងណា គង់ ចាន់រដ្ឋា បានបកស្រាយប្រាប់ Post News ឲ្យដឹងថា «កូនដែលស្លាប់ទៅនោះ ជាកូនប្អូនស្រីខ្ញុំ ខ្ញុំយកមកចិញ្ចឹមតាំងពីនៅតូច ទុកដូចកូនបង្កើត »។
តារាចម្រៀងដែលកំពុងឈរជើងជាអ្នកដឹកនាំនៅក្នុងផលិតកម្ម 7Seven Production បានបន្តថា មនុស្សធ្លាប់ឃើញគ្នានៅជុំគ្នា ធ្វើឲ្យមនោសញ្ចេនា ហើយកូនប្រុសដែលស្លាប់នោះ គឺនាងមិនចង់និយាយ ឬកកាយអ្វីឲ្យវែងឆ្ងាយនៃការបាត់បង់ជីវិតរបស់គាត់នោះទេ វាវែងឆ្ងាយពេក៕
មតិយោបល់