ភ្នំពេញ: តារាសម្តែង អន រ៉ាស៊ីសុមេត្តា ហៅណូម័របានថ្លែងទាំងអួលដើមករ ប្រាប់ Post News ថានាងពិតជាសប្បាយចិត្ត លាយឡំទឹកភ្នែកពេលគ្រងឈុតសម្លៀកបំពាក់រៀបការប្រពៃណីខ្មែរដំបូង ក្នុងជីវិត។
នេះជាលើកទី១ ហើយដែលតារាសម្តែង និងពិធីការិនីនាង អន រ៉ាស៊ីសុមេត្តា ហៅណូម័រ បានគ្រងសម្លៀកបំពាក់រៀបការរបស់ខ្មែរ ជាលើកដំបូង ដែលជាការថតឲ្យសម្អាងការមួយ តែមិនមែនជារឿងផ្ទាល់ខ្លួនត្រូវចូលរោងការនោះទេ តែវាបានធ្វើឲ្យនាង សប្បាយចិត្ត យ៉ាងខ្លាំង ។
ណូម័រ ថា«ខ្ញុំពិតជាសប្បាយចិត្តណាស់ ដែលបានស្លៀកឈុតប្រពៃណីខ្មែរ ដែលជាការថតឲ្យសម្អាងការ តែខ្ញុំក៏ចង់បានទិដ្ឋភាពបែបនេះពិតនៅថ្ងៃណាមួយផងដែរ ក្នុងជីវិត» ។
ថ្លែងទាំងអួលដើមករ ណូម័របានបន្តថា នាងចង់ឲ្យថ្ងៃមួយនោះ ធ្លាក់មកលើខ្លួនគឺការគ្រងសម្លៀកបំពាក់ធ្វើជាកូនក្រមុំ របស់គេ តាមបែបបទប្រពៃណីខ្មែរ ។ បើទោះបីជាបច្ចុប្បន្នមាន អ្នកតាមសូមស្រឡាញ់ច្រើន ប៉ុន្តែបុរសៗទាំងនោះ បានត្រឹមតែស្រឡាញ់ គិតអីផ្សេង មិនមែនក្នុងន័យជាដៃគូជីវិតនោះទេ អ៊ីចឹងហើយ វាជាចំណុចដែលខ្ញុំមិនចង់បាននោះទេ៕
មតិយោបល់