មុននេះដែរ គេហទំព័រ ដំណឹង ក៏បានចុះផ្សាយរឿងពាក់ព័ន្ធនឹង កញ្ញា មាស សុខសោភា ដែលជាតារាចម្រៀងប្រចាំផលិតកម្ម ថោន ម្តងទៅហើយ រឿង សម្លៀកបំពាក់ដែលចំលងស្ទីលពី Selena Gomez ចូលរួមក្នុងកម្មវិធីអាណាចក្រតារា។
ថ្មីៗនេះដែរ ស្រាប់តែផ្ទុះព័ត៌មានថ្មី ផ្សេងមួយទៀត ថា ” មាស សុខសោភា បានចែកផ្លូវជាមួយនឹង ខេម “។ ទន្ទឹមនឹងព័ត៌មាននេះ បានធ្វើឲ្យអ្នកស្នេហា និងចូលចិត្តតាមដានវិស័យ សិល្បៈកម្សាន្ត បានខ្សឹបខ្សៀវគ្នា ពីមាត់មួយ ទៅមាត់មួយថា តើ មាស សុខសោភា លួចបង្កាត់ភ្លើងស្នេហា ជាមួយនឹង ខេម ពេលណា ហេតុអ្វីពូកគេមិនដឹង? បើមុននេះ មានសារព័ត៌មានក្នុងស្រុកជាច្រើន ត្រឹមតែចុះផ្សាយថា ខេម មានស្នេហាជាមួយនឹងក្រមុំជាយដែនភាគខាងលិច ។
បើយើងក្រឡេកមើល និងរិះគន់ ឲ្យបានច្បាស់ គឺមាស សុខសោភា មានគូអនាគត់រួចរាល់ហើយ ចំណែកខេម ល្បីថា បង្កាត់ភ្លើងស្នេហាជាមួយនឹងក្រមុំជាយដែន ចុះហេតុអ្វីព័ត៌មានខាងលើកើតឡើង?
ជាក់ច្បាស់ណាស់ ប្រភពព័ត៌មានកៀកកើយ និងតារាចម្រៀងពីរដួងនេះបានឲ្យដឹងថា ខេម និងមាស សុខសោភា គេឃើញ ស្ថិតនៅលើគ្រែតែមួយ ជាមួយនឹងគ្នា ដើម្បីជជែកវែកញែកដោះស្រាយ បញ្ហាស្នេហា ដែលមិនសមចិត្តនោះ។ មាស សុខសោភា ដឹងថា ស្នេហារបស់ខ្លួនជាមួយនឹង ខេម មិនអាចនៅបានយូរ ដូច្នេះហើយទើបនាងសម្រេចចិត្តចង់ណែនាំនារីម្នាក់ថ្មីឲ្យ ខេម ស្គាល់ ដើម្បីបន្លំការឈឺចាប់ ប៉ុន្តែ ខេម បានបដិសេធមិនព្រម ព្រោះ ខេម បានយល់ច្បាស់ថា ខ្លួនមិនអាចរស់ដោយគ្មាន មាស សុខសោភាឡើយ ជាពិសេសគឺមិនចង់ឲ្យនារីថ្មីម្នាក់នោះ នាងមានការឈឺចាប់ផងដែរ។
គួរបញ្ជាក់ផងដែរថា នេះជាបទចម្រៀងមនោសញ្ចេតនាដ៏កម្សត់ជាងគេប្រចាំសប្ដាហ៍នេះតែប៉ុណ្ណោះ ក្រោមចំណងជើងថា“ចង់រកស្រីម្នាក់ដែលល្អឲ្យបង” ៕
ទស្សនាបទចម្រៀងខាងក្រោមទាំងអស់គ្នា៖
មតិយោបល់