រ៉ង់ហ្គូន: យោងតាមទីភ្នាក់ងារសារព័ត៌មានចិន ស៊ិនហួរ ចុះផ្សាយនៅថ្ងៃទី០៧ ខែតុលា ឆ្នាំ២០១៦ បានចេញផ្សាយថា បវរកញ្ញាមីយ៉ាន់ម៉ា នាង Zun Than Sin បានគ្រងម្កុដ Miss Universe Pageant ជំនាន់ទី ៦៦ ឆ្នាំ ២០១៧ ដែលត្រៀមទៅធ្វើការប្រកួត វគ្គចុងក្រោយក្នុង ប្រទេសហ្វីលីពីន ។

នាង Zun Than Sin បានបំបាក់បវរកញ្ញាចុងក្រោយ បួននាក់ផ្សេងទៀត ក្នុងកម្មវិធី ធ្វើឲ្យនាងក្លាយជា បវរកញ្ញាមីយ៉ាន់ម៉ា ដែលឈ្នះការប្រកួត Miss Universe Pageant ឆ្នាំ២០១៧ ដែលជាព្រឹត្តិការណ៍ បានប្រារព្ធឡើងនៅទីក្រុង រ៉ង់ហ្គូន ។ បវរកញ្ញាប្រទេស មីយ៉ាន់ម៉ា ម្នាក់នេះធ្លាប់ឈ្នះការប្រកួត នៅក្នុងស្រុក តាំងពីឆ្នាំ ២០១៣ ដល់ ឆ្នាំ ២០១៥ នឹងជាប់ជាជំរើសពីរនាក់ចុងក្រោយ សម្រាប់ឆ្នាំ ២០១៥ -២០១៦។

គួរបញ្ចាក់ផងដែរថា បវរកញ្ញាប្រទេសហ្វីលីពីន បានឈ្នះមកុដលើកទី ៦៤ នៅឆ្នាំ ២០១៥ ដែលបានរៀបចំឡើងនៅក្នុង ទីក្រុង Las Vegas សហរដ្ឋអាមេរិកនៅឆ្នាំមុននេះ។ កម្មវិធីប្រកួត Miss Universe Pageant ជាការប្រឡងបវរកញ្ញា ដែលមានអាយុកាលវ័យចំណាស់ជាងគេ របស់ពិភពលោក ហើយក៏ជាកម្មវិធីធំបំផុតផងដែរ ៕