កវីនិពន្ធល្បីឈ្មោះ លោក យឹម តាស្រង់ បានធ្វើការអះអាងថា ជាសំណាងហើយដែលលោកបាន ឈប់ចម្លងបទយួន ជាង២ឆ្នាំ ខណៈដែលមាន វីដេអូឃ្លិបមួយនេះរិះគន់ តារាចម្រៀងល្បីកម្ពុជាចម្លងបទរបស់ពួកគេ។
លោក យឹម តាស្រង់ បានសរសេរនៅលើហ្វេសប៊ុករបស់លោក នៅថ្ងៃទី៧ ខែតុលា ឆ្នាំ២០១៦ ឲ្យដឹងថា wow! យួនចេះខឹងដែរតើពេលគេលួចរបស់វាចុះពេលវាលួចរបស់គេ តើវាដឹងថាគេចេះខឹងដែរទេ?

កវីនិពន្ធមកពីទឹកដីខេត្តក្រចេះ បានបន្តថា «សំណាងហើយដែលខ្ញុំដាក់ចិត្តជៀសចម្លងបទយួនជាង២ឆ្នាំមកនេះ ហេហេ ព្រោះគិតដឹងមុនថាបើយួនធ្វើបទថ្មីបានច្រើនវានិងដើរវ៉ៃប្រហារអ្នកយករបស់វានេះជាចរឹតយួន ហេហេហេយួនវាភ្លេចកាលគ្រាដែលវាចម្លងCopy ចម្រៀងពីប្រទេសចិន និងប្រទេសផ្សេងៗរាប់ពាន់ រាប់ម៉ឺនបទកន្លងមកនោះហើយ»។

យឹម តាស្រង់ បានបន្តថា ទាំងពេលនេះយួនក៏នៅតែមានចម្រៀងCopyពីប្រទេសផ្សេងៗច្រើននៅឡើយនេះបើតាមការស្រាវជ្រាវរបស់ខ្ញុំ។ បងប្អូនអ្នកនិពន្ធទំនុកច្រៀងរួមអាជីពយើងបើអាចជៀសយួនបានយើងនាំគ្នាជៀសទៅពេលនេះហើយការដែលយើងចម្លងកន្លងមកមានតែយើងអ្នកអាជីពដូចគ្នាទេដែលដឹងអំពីហេតុផលថាព្រោះអ្វីបានយើងចម្លងបទពីបរទេស?ហើយមានតែយើងអ្នករួមអាជីពដូចគ្នាទេដែលយល់ពីការលំបាកនៅក្នុងវិស័យចម្រៀងច្បាស់។

កវីដែលបង្ហាញស្នាដៃជាច្រើននៅក្នុងផលិតកម្មថោន បានបន្តទៀតថា ហើយការហៅយួនៗរបស់ខ្ញុំគឺខ្ញុំគិតថានឹងមានបងប្អូនខ្លះថាខ្ញុំប្រឆាំងពូជសាសន៍ហើយ តាមពិតមិនមែនប្រកាន់ទេប៉ុន្តែតាំងពីកើតធំដឹងក្តីមកធ្លាប់លឺហៅតែយួនៗដល់ឲ្យហៅវៀតណាមដូចម៉េចមិនដឹងទេព្រោះមិនទម្លាប់ហើយខ្ញុំជឿថាអ្នកដែលចង់គិតម៉ៃថាខ្ញុំប្រកាន់ពូជសាសន៍ក៏ប្រហែលពីមុនក៏ធ្លាប់ហៅតែយួនៗដែរ បើនិយាយប្រាប់ខ្ញុំថាធ្លាប់ហៅតែវៀតណាមៗនោះខ្ញុំមិនជឿទេ បើថាទើបរៀនហៅវៀតណាមៗអាលូវៗហ្នឹងប្រហែលខ្ញុំជឿខ្លះ ហេហេ៕

ទស្សនាវីដេអូឃ្លិបដូចខាងក្រោមនេះ៖