ភ្នំពេញ: រូបភាពជិតស្និទ្ធជាច្រើនច្រើនសន្លឹករវាងតារាសម្ដែងថៃ ប៊ុននាង ដែលត្រូវគេស្គាល់ថាជាអ្នកគ្រប់គ្រងទូទៅផលិតកម្មចក្រវាទ្បពេជ្រ ជាមួយនឹងតារាសម្ដែង ថន លក្ខិណា បានជួយឲ្យទំនាក់ទំនងរវាងតារាទាំងពីរត្រូវបានគេចាប់ផ្ដោតការសង្ស័យយ៉ាងខ្លាំង។ គាប់ជួនជាពេលកន្លងមក ទំនាក់ទំនងរវាងលោក និងកញ្ញានី មុន្នីនាថ ក៏ត្រូវគេផ្ដោតការសង្ស័យផងដែរ ទើបធ្វើឲ្យមានការចោទសួរកាន់តែខ្លាំងថារវាងថន លក្ខិណា និងនី មុន្នីនាថ តើអ្នកណាជាមនុស្សពិសេសពិតប្រាកដ។

រូបថតជាច្រើនសន្លឹករវាងថន លក្ខិណា និងថៃ ប៊ុននាង នៅតែជាចំណោទចំពោះទំនាក់ទំនងរវាងតារាទាំងពីរ ជាពិសេសក្នុងពេលភាគីម្ខាងៗព្យាយាមច្រានចោល តែប្រភពជាច្រើនទម្លាយថាអ្នកទាំងពីរមិនមែនត្រឹមជាមិត្តភ័ក្រ្តដូចអ្នកសិល្ប:ផ្សេងទៀត។ ម្នាក់ៗបានលើកឡើងថាភាពស្និទ្ធស្នាលរវាងថៃ ប៊ុននាង និងថន លក្ខិណា កើតឡើងបន្ទាប់ពីស្អិតល្មួតរបស់តារាប្រុសរូបនេះ និងនី មុន្នីនាថ ត្រូវបាន រយាល ដែលទំនងជាងតួអង្គប្រុសបែកចិត្តពីតារាស្រីម្នាក់ ហើយងាកទៅស្និទ្ធស្នាលយ៉ាងចម្លែកជាមួយតារាស្រីម្នាក់ទៀត។

ប្រភពពីតារាសិល្ប:ជាច្រើនបានអះអាងថា មុនពេលបែកធ្លាយរូបសកម្មភាពស្និទ្ធស្នាលជាមួយនឹងថន លក្ខិណា តួឯកប្រុសដែលជាផលិតករកុនរបស់ផលិតកម្មចក្រវាទ្បពេជ្ររូបនេះ ត្រូវគេសង្ស័យថាជាគូស្នេហ៍របស់នី មុន្នីនាថឯណោះទេ។ ជាក់ស្ដែងនៅពេលរំលឹកដល់សម្មភាពស្អិតរមួតជាច្រើនរវាងតារាទាំងពីរ គ្មានអ្នកណាមិនគិតនោះទេ ថានី មុន្នីនាថ និងថៃ ប៊ុននាង មិនមែនជាអ្នកមើលចិត្តថ្លើមគ្នា។ ស្ទើរតែគ្រប់សកម្មភាពចុះថតរបស់នី មុន្នីនាថ នៅក្នុងផលិតកម្មចក្រវាទ្បពេជ្រ គេឃើញលោកថៃ ប៊ុននាងប្រើក្រសែភ្នែកជាមួយនាង ខុសប្លែកពីតួអង្គដទៃ ដោយសូម្បីតែក្រោយថតបញ្ចប់ខ្សែរឿង«ស្ទឹងស្នេហា»ក៏ឧស្សាហ៍ទៅណាមកណាជាមួយគ្នាយ៉ាងចម្លែកផងដែរ។ នៅក្នុងពេលនោះនី មុន្នីនាថ ថែមត្រូវគេដឹងថាបានបែកចិត្តពីអណិកជននៅអាមេរិកទន្ទឹមគ្នានោះទេ ទើបមន្ទិលសង្ស័យកាន់តែត្រូវលេចឡើង។

យ៉ាងណាមិញ ចម្ងល់ទាំងនេះកាន់តែច្របូកច្របល់ បន្ទាប់ពីថៃ ប៊ុននាង ស្រាប់តែ ផ្អាករំលេចភាពស្និទ្ធស្នាលជាមួយនី មុន្នីនាថ ហើយងាកមកកៀកកិតយ៉ាងចម្លែកជាមួយនឹងថន លក្ខិណាវិញ។ បើទោះជាថន លក្ខិណា និងតួអង្គប្រុសបានបញ្ជាក់ដូចគ្នាថា គ្រាន់តែជាមិត្តក្នុងសិល្ប: ក៏មន្ទិលគួរឲ្យឆ្ងល់ត្រូវបានលេចឡើង ក្នុងពេលដែលភាពជិតស្និទ្ធិនេះ មិនកើតមានចំពោះតារាស្រីទាំងពីរព្រមគ្នា តែបែរជារយាលពីម្នាក់ទៅម្នាក់ ធ្វើឲ្យមានរឿងរសើប។ យ៉ាងណាមិញ លោកថៃ ប៊ុននាងបានអះអាងថា នៅក្នុងពេលនេះរវាងលោក និងតារាស្រីទាំងពីរគ្រាន់តែជាមិត្តភាពប៉ុណ្ណោះ ប៉ុន្តែបើពេលខាងមុខគឺនឹងអាចប្រែប្រួល ដោយសារតែលោកព្រលយថា រវាងនី មុន្នីនាថ និងថន លក្ខិណា សុទ្ធតែមានចំណុចពិសេសធ្វើឲ្យលោកចូលចិត្តដូចគ្នា៕