ក្លឹប Valencia កំពុងតែត្រៀមលុយទិញអតីតខ្សែប្រយុទ្ធរបស់ក្លឹប Manchester United ម្នាក់ឈ្មោះថា  Javier Hernandez នៅក្នុងខែមករាខាងមុខនេះ ក្នុងតម្លៃខ្លួនបំបែកកំណត់ត្រារបស់ក្លឹបតែម្ដង៤០លានផោន។

កាសែត AS របស់អេស្ប៉ាញបានចេញផ្សាយថាលោក Peter Lim ប្រធានក្លឹប Valencia បានដាក់គោលដៅថានៅខែមករាដើមឆ្នាំ២០១៧ខាងមុខនេះ នឹងត្រូវទិញខ្សែប្រយុទ្ធកណ្ដាលម្នាក់ឱ្យបានគឺ Javier Hernandez ពីក្រុម Leverkusen ។ ដោយការដាក់គោលដៅនេះ គឺអាចនឹងតម្រូវឱ្យក្លឹបនៅអេស្ប៉ាញមួយនេះ ចំណាយដល់ទៅ៤០លានផោនឯណោះ ទើបផ្ដាច់កុងត្រានាំយកកីឡាកររូបនេះបាន។

ក្លឹបដែលកំពុងតែធ្លាក់ខ្លាំងរហូតដល់ជិតនិងបាតតារាង La Liga ខាងលើនេះ រំពឹងថានឹងអាចទិញអតីតខ្សែប្រយុទ្ធរបស់ Man Utd ខាងលើបាន ដើម្បីពង្រឹងតំបន់ប្រយុទ្ធរបស់ខ្លួន ដើម្បីធ្វើយ៉ាងណាឱ្យបានចំណាត់ថ្នាក់ល្អវិញក្នុងក្របខណ្ឌកំពូលរបស់អេស្ប៉ាញ។ ខណ:ដែលខាងក្លឹប Leverkusen វិញ ក៏អាចនឹងលក់ Chicarito ចោលដែរ ដើម្បីបានប្រាក់ទិញកីឡាករបន្ថែម៕