ម្តាយអតីតកវីនិពន្ធក្នុងផលិតកម្មសាន់ដេ កំពុងជួបទុក្ខ កើតជំងឺ ស្ពឹកមួយចំហៀងខ្លួន ដោយសារលើសឈាម កំពុងសម្រាកព្យាបាលនៅមន្ទីរពេទ្យឯកជន ក្នុងខេត្តបាត់ដំបង ។​

នៅព្រឹកថ្ងៃទី​២៤ តុលា ឆ្នាំ​២០១៦ សាន សេកសុខុម បានបង្ហោះសារប្រទាក់បេះដូង ប្រិយមិត្ត និងភ្ជាប់មកជាមួយរូបភាព ​ឱបម្តាយ ថា «ខ្ញុំនៅក្បែរម៉ែហើយ ម៉ែមិនអីទេ ម៉ែរឹងប៉ឹងឡើងណាម៉ែណា….!!!»។​

អតីតកវីនិពន្ធក្នុងផលិតកម្មសាន់ដេ បានប្រាប់ Post News ឲ្យដឹងថា ម្តាយលោក​ស្ពឹកមួយចំហៀងខ្លួន ដោយសារលើសឈាម ដោយកំពុងសម្រាកព្យាបាលនៅមន្ទីរពេទ្យវិសាលសុខខេត្តបាត់ដំបង​។ បើទោះបីជា​យ៉ាងនេះក្តី កវីនិពន្ធខាងលើ បានបន្តថា ម្តាយរបស់លោកបានធូរស្រាលខ្លះហើយតែមិនទាន់ចេញពីមន្ទីរពហុព្យាបាលនៅឡើយទេ។
សូមបញ្ជាក់ផងដែរថា ម្តាយ​លោក សាន សេកសុខុម បានធ្លាក់ខ្លួនឈឺកាលពីរាត្រីថ្ងៃទី​២៤ ខែតុលា ឆ្នាំ​២០១៦ នេះ៕​