ផ្ទះ ព័ត៌មានសិល្បៈ និងកម្សាន្ត ភាពយន្ត៨ ទទួល...

ភាពយន្ត៨ ទទួលបានជ័យលាភីក្នុងមហាស្រពចតុមុខ

0

ឆ្ល​ង​កា​ត់​ការ​​ប្រកួ​តប្រ​ជែ​ង​ភា​ព​យ​ន្ត​ខ្នា​ត​ខ្លី​ប្រ​ចាំឆ្នាំ​២​០​១​​៦​ ​តាំ​ង​ពី​ថ្ងៃ​ទី​៤​ ​វិ​ច្ឆិ​កា​ ​ម​ហោ​ស្រ​ពភាពយន្តចតុមុខត្រូវបានបញ្ចប់ហើយកាលពីយប់ថ្ងៃទី៦ វិច្ឆិកា នៅបរិវេណអាគារ CJCC នៅវិទ្យាស្ថានភាសាបរទេសរបស់សកលវិទ្យាល័យភូមិន្ទភ្នំពេញ។
មានខ្សែភាពយន្តចំនួនតែ៨ប៉ុណ្ណោះ ក្នុងចំណោមភាពយន្តសរុបជាង៣០ដែលត្រូវបានប្រកាសថាជាប់ជ័យលាភី។

ខ្សែរឿងដែលបានទទួលចំណាត់ថ្នាក់ទាំង៨រួមមានរឿង«ក្បូន», រឿង«លាហើយភ្នំពេញ», រឿង«នេះគ្រាន់តែជាការចាប់ផ្ដើមប៉ុណ្ណោះ», រឿង«ពេលវេលាចុងក្រោយ», រឿង«ចំណាក», រឿង«ភ្នែកមិនភ្លឺក្រោមពន្លឺថ្ងៃ», រឿង«ពេលអ្នកសប្បាយចិត្ត», និង រឿង«បងប្រុសដែលបាត់ទៅ»។ យ៉ាងណាមិញ មានតែរឿងមួយចំនួនប៉ុណ្ណោះទទួលបានពានជាភាពយន្តឆ្នើម ខណ:ដែលរឿងមួយចំនួនទៀតបានត្រឹមទទួលបានរង្វាន់កិត្តិយស។ ខ្សែរឿងដែលទទួលបានជ័យលាភីនៅក្នុងមហោស្រពនោះត្រូវបានបែងចែកជា២គឺរឿងដែលនិយាយពីការចំណាកស្រុក ឬប្រឆាំងនឹងការជួញដូរមនុស្ស និងរឿងដែលមានលក្ខណ:ជាប្រធានបទសេរី។
លោកជា ច័ន្ទបរិបូរណ៍ រដ្ឋលេខាធិកាក្រសួងព័ត៌មាន បានអះអាងថារឿងដែលបានទទួលចំណាត់ថ្នាក់លេខ១ផ្នែកប្រធានបទចំណាកស្រុកគឺរឿង«ពេលវេលាចុងក្រោយ»ដែលមានរយ:ពេល៨នាទីរបស់លោកវន បូរិន និងរឿង«ក្បូន»មានរយ:ពេល៨នាទីដូចគ្នារបស់លោកសុខា ម៉េងលី ទទួលចំណាត់ថ្នាក់លេខ២។ ដោយឡែកសម្រាប់រឿងដែលជាប់ជ័យលាភីលើប្រធានបទសេរីគឺបានទៅលើរឿង«លាហើយភ្នំពេញ»របស់នាង កាវិច ដែលមានរយ:ពេល១៧នាទី និងរឿង«ក្បូន»ដែលទទួលបានលេខ២ស្ទួន។

លោកថាមហោស្រពនេះជាលើកទី៥ និងមានបំណងតែមួយគត់គឺពង្រឹងផលិតករវ័យក្មេងឲ្យមានលទ្ធភាពផលិតរឿងដែលមានគុណភាព ហើយមានខ្លឹមសារសម្រាប់អ្នកទស្សនា នាពេលអនាគត។

លោកហ៊ូ រ៉េមី ប្រធានមហោស្រពភាពយន្តខ្នាតខ្លីចតុមុខឆ្នាំ២០១៦នេះ ក៏បានប្រកាសខ្សែរឿងដែលបានទទួលចំណាត់ថ្នាក់ បានរំលេចពីការអប់រំ និងការសម្ដែងកាន់តែល្អពីសំណាក់តួសម្ដែងជាសាមញ្ញជននៅក្នុងស្នាដៃទាំងនោះ។ លោកថាមហោស្រពឆ្នាំនេះ ផលិតករវ័យក្មេងខ្លាំងៗជាច្រើនត្រូវប្រមូលផ្ដុំគ្នាបញ្ចេញស្នាដៃ៕
movie-1

movie-2

movie-3

movie-4

movie-5

movie-6

movie-7

movie-8

movie-9

movie-10

movie-11

movie-12