នៅក្នុងវេទិកាបង្ហាញខ្លួនបវរកញ្ញាមកពី៤០ប្រទេស បូករួមទាំងកម្ពុជាជាម្ចាស់ផ្ទះមួយទៀត កាលពីល្ងាចថ្ងៃទី១០ វិច្ឆិកា នៅសណ្ឋាគាណាហ្គាវើល គេកត់សម្គាល់ថាបេក្ខភាពបវរកញ្ញាម្នាក់ៗ ក្រៅពីមានរូបសម្រស់ស្រស់ផូរផង់មិនធម្មតា ក៏បានបង្អួតឈុតសំលៀកបំពាក់ដ៏អស្ចារ្យប្រចាំប្រទេសរបស់ខ្លួនផងដែរ។

នេះជាការប្រកួតបវរកញ្ញាទេសចរណ៍អន្តរជាតិប្រចាំឆ្នាំ២០១៦ ដែលបានសម្រេចធ្វើនៅក្នុងប្រទេសកម្ពុជាជាលើកដំបូង។
បវរកញ្ញាទាំង៤១ប្រទេសត្រូវបានគណកម្មការប្រកួតរៀបចំឲ្យធ្វើដំណើរទៅកម្សាន្តនៅតំបន់អង្គរនៅថ្ងៃទី១១ វិច្ឆិកា និងដើរទស្សនាតំបន់វប្បធម៌ជាច្រើននៅក្នុងប្រទេសកម្ពុជា។ បេក្ខភាពទាំងអស់នឹងធ្វើការប្រកួតសម្រស់ សមត្ថភាព និងចំណេះដឹងនៅសណ្ឋាគារណាហ្គាវើលលើវេទិកាចាប់ពីថ្ងៃទី១៥ រហូតដល់ថ្ងៃទី១៨ វិច្ឆិកា ដោយការប្រកួតចុងក្រោយ និងប្រគល់ម្កុដកញ្ញាឯកនឹងត្រូវធ្វើឡើងនៅថ្ងៃទី១៨ វិច្ឆិកា។

បេក្ខនារីតំណាងទាំង៤១ប្រទេស មិនត្រឹមតែមានសម្រស់ស្រស់ផូរផង់តំណាងឲ្យប្រទេសរបស់ខ្លួនប៉ុណ្ណោះទេ ពួកនាងក៏ត្រូវតែសិក្សាបានខ្ពស់ និងមានចំណេះដឹងជ្រៅជ្រះផងដែរ។

នេះជាវេទិកាទី១ដែលកម្ពុជាបានធ្វើជាម្ចាស់ផ្ទះ ក្នុងការរៀបចំព្រឹត្តិការណ៍ប្រកួតកញ្ញាឯកទេសចរណ៍អន្តរជាតិដែលជាព្រឹត្តិការណ៍ដ៏ធំពិភពលោកនាប៉ុន្មានឆ្នាំចុងក្រោយ។ ព្រឹត្តិការណ៍នេះត្រូវបានប្រកាសថាមានការផ្សាយបន្តផ្ទាល់នៅលើកញ្ចក់ទូរទស្សន៍អន្តរជាតិធំៗ និងនៅលើកញ្ចក់ទូរទស្សន៍បាយ័ន។

ឈុតសំលៀកបំពាក់ស្រស់ស្អាតគ្មាន២របស់បវរកញ្ញាតំណាងឲ្យប្រទេសនីមួយៗ គឺជាការឌីហ្សាញដោយអ្នកច្នៃម៉ូដល្បីៗប្រចាំប្រទេសរបស់ពួកគេ ខណៈដែលឈុតទាំងនេះក៏នឹងធ្វើការប្រួកួតគ្នាដើម្បីទទួលបានពានជាសំលៀកបំពាក់ប្រពៃណីល្អបំផុតផងដែរ។
ខាងក្រោមនេះជាឈុតប្រពៃណីដ៏អស្ចារ្យរបស់បវរកញ្ញាមកពីប្រទេស៤១ប្រទេស ខណៈដែលឈុតអប្សរារបស់បេក្ខនារីកម្ពុជាក៏ត្រូវបានទទួលការកោតសរសើរក្នុងក្រសែភ្នែកគណកម្មការផងដែរ។ តោះសាកទាយលេងៗមើល ថាឈុតប្រពៃណីរបស់បេក្ខនារីមកពីប្រទេសស្រស់ស្អាត និងមានលក្ខណៈពិសេសដាច់គេ ហើយសម្រាប់រូបសម្រស់វិញ តើបវរកញ្ញារូបណាសមនឹងគ្រង ម្កុដកញ្ញាឯកពីព្រឹត្តិការណ៍នេះ នៅថ្ងៃ១៨ វិច្ឆិកាខាងមុខ?