តារាឯកស្រី ផែន ឃេក បានបង្ហើបអារម្មណ៍និងទឹកចិត្តរំភើបក្រៃកន្លង ដែលនាំប្អូនៗពិការភ្នែក មកចូលរួមសូត្រមន្ដ និង ក្រាបសំពះថ្វាយកុសល ព្រះបរមសព ព្រះមហាក្សត្រថៃ រជ្ជកាលទី ៩ ព្រះបាទ ភូមិបុល អាឌុលយ៉ាដេត ដោយមានការច្រៀងចម្រៀងអាល័យព្រះមហាក្សត្រពី សំណាក់ប្អូនៗទាំងអស់គ្នា ដែលបទចម្រៀង មានចំណងជើងថា ” ផច:យូណៃចៃសាម៉ើ “ មានន័យជាខេមរភាសាថា “ពុកនិងនៅក្នុងចិត្តរហូត” ។

តារាស្រីរូបនេះបានពោលថា ” ធ្វើបុណ្យថ្វាយព្រះមហាក្សត្រ គឺជាមហាឱកាសជាកិតិ្តយស ដែលបានធ្វើបុណ្យតាមបែបព្រះពុទ្ធសាសនា ហើយក៏បានបួងសួងផងដែរ រួមមានការច្រៀងចម្រៀងអាល័យព្រះមហាក្សត្រ អឺ..ដូចគ្នានិងនៅកន្លែងនិងខេត្ត ឈៀងរ៉ៃ ដែរ រៀបចំបានពេញល្អ គ្រប់កន្លែង បើទោះបីជានៅក្រៅប្រទេស ក៏មានជនជាតិថៃរៀបចម្ការកាន់ទុក្ខអាល័យព្រះអង្គទ្រង់ផងដែរចា៎ ” ៕