ភ្នំពេញៈ ជិះម៉ូតូទាក់ដៃចង្កូចគ្នា បណ្តាលឲ្យដួលខ្ទាតចូលរថយន្តកិនបាក់ភ្លៅម្ខាងរងរបួសធ្ងន់ម្នាក់ និងម្នាក់ទៀតរងរបួសស្រាល ។ ហេតុកាណ៍កើតឡើងកាលពីវេលាម៉ោង៦និង៣០នាទី ព្រឹកថ្ងៃទី២៥ ខែវិច្ឆិកា ឆ្នាំ២០១៦ ស្ថិតនៅតាមបណ្តោយផ្លូវ៣០ម៉ែត្រ ភូមិដំណាក់ធំ៣ សង្កាត់ស្ទឹងមានជ័យ រាជធានីភ្នំពេញ។

តាមប្រភពពីកន្លងកើតហេតុបានឲ្យដឹងថាមុនពេលកើតហេតុ គេបានបុរសម្នាក់ជិះម៉ូតូមួយគ្រឿង ម៉ាកហុងដាសេ ១២៥ ពណ៌ខ្មៅ ស៊េរីឆ្នាំ២០១៣ ពាក់ស្លាកលេខ ភ្នំពេញ 1BO-1101 បើកបរតែម្នាក់ឯងក្នុងទិសដៅស្របគ្នា ពីត្បូងទៅជើង លុះបានមកដល់ចំណុចកើតហេតុ ក៏បានបើកទៅទាក់ដៃចង្កូតជាមួយនឹងម៉ូតូ ហុងដាឌ្រីមសេ ១២៥ ពណ៌ខ្មៅ ស៊េរី២០១៥ ពាក់ស្លាកលេខ ភ្នំពេញ 1CX-3136 ដែលកំពុងបើកបរដោយបុរសម្នាក់ បណ្តាលឲ្យម៉ូតូទាំង២គ្រឿងរួមនិងជនរងគ្រោះដួលបោកទៅលើដងផ្លូវ ស្របពេលនេះ ក៏មានរថយន្តកំពុងបើកបរឆ្លងកាត់ ចាប់ហ្វ្រាំងមិនទាន់កិនចំភ្លៅរបស់ជនរងគ្រោះជាម្ចាស់ម៉ូតូឌ្រីមសេ ១២៥ ស៊េរីឆ្នាំ២០១៣ បណ្តាលឲ្យបាក់រងរបួសធ្ងន់ រួចរថយន្តបង្ក ក៏ប្រញាប់បន្តល្បឿនបើករត់គេចខ្លួនទៅបាត់ ត្រូវបានគេបញ្ជូនទៅសង្គ្រោះបន្ទាន់នៅមន្ទីរពេទ្យរុស្ស៊ី រីឯម្ចាស់ម៉ូតូមួយគ្រឿងទៀតរងរបួសស្រាល ។

ក្រោយពីកើតហេតុ សមត្ថកិច្ចនគរបាលចរាចរណ៍បានចុះវាស់វែងនិងយកម៉ូតូទាំងពីរគ្រឿងមករក្សារទុកនៅប៉ុស្តិ៍នគរបាលស្ទឹងមានជ័យ ដើម្បីដោះស្រាយគ្នានៅពេលក្រោយតាមផ្លូវច្បាប់៕

https://youtu.be/KmC_NRya2Uc