ព័ត៌មានជាតិ

វាយប្លន់យកម៉ូតូទៀតហើយនៅខណ្ឌទួលគោក

ភ្នំពេញ: បុរស២នាក់ ជិះម៉ូតូឌុបគ្នាតាមបណ្តោយផ្លូវលេខ៦០៨ ផ្លូវចូលវត្តនាគវន្ត័ ក្នុងសង្កាត់បឹងកក់ ២ ខណ្ឌទួលគោក ត្រូវបានក្រុមចោរ២នាក់ ស្ទាក់វាយបែកក្បាលប្លន់យកម៉ូតូទៅបាត់ កាលពីវេលាម៉ោង១០និង៤០នាទីយប់ថ្ងៃទី២៦ ខែវិច្ឆិកា ឆ្នាំ២០១៦។

អ្នកឃើញហេតុការណ៍បានឲ្យដឹងថា គាត់ឃើញបុរសពីរនាក់ជិះម៉ូតូមួយគ្រឿងម៉ាក គុបជ្រុងពណ៌ ស្លែ មិនចាំស្លាកលេខ បានជិះតាមបណ្តោយផ្លូវលេខ៦០៨ ជិតមកដល់ក្លោង វត្តនាគវ័ន្ត ក៏ស្រាប់តែលេចមុខជនសង្ស័យពីរជិះម៉ូតូមួយគ្រឿងមិនស្គាលម៉ាក បានបើកកាក់ម៉ូតូជនរងគ្រោះហើយ ក៏វាយជនរងគ្រោះម្នាក់ បណ្តាលឲ្យបែកក្បាល ចំណែកជនរងគ្រោះម្នាក់ទៀត ឃើញហេតុការណ៍បែបនេះ ក៏រកចោលបាត់  ។ ទោះជាយ៉ាងក្រុមចោរបានវាយជនរងគ្រោះបែកក្បាលដេកដួលនៅនិងថ្នល់សន្លប់ ហើយក៏លើកម៉ូតូរបស់ជនរងគ្រោះជិះចេញពីកន្លែងកើតហេតុការណ៍បាត់ស្រមោល។

បន្ទាប់ពីកើតហេតុជនរងគ្រោះ ត្រូវបានប្រជាពលរដ្ឋដឹកតាមម៉ូតូយកទៅមន្ទីរពេទ្យសង្គ្រោះសិន ព្រោះជនរងគ្រោះរងរបួសបែកក្បាល ហូរឈាមលែងដឹងអ្វីទៅហើយ។

អ្នកនៅកន្លែងកើតហេតុបាននិយាយបន្ថែមថា ក្នុងករណីប្លន់លួច គាស់ផ្ទះ នេះមិនមែនលើកទីមួយទេនៅម្តុំនេះ គឺរាប់មិនអស់ហើយ។ ចំណែកអាជ្ញាធរមាន សមត្ថកិច្ចវិញដូចមិនមានវិធាការទប់ស្កាតម្តុំឲ្យមានប្រសើរឡើងសោះ៕

photo_2016-11-27_07-00-01

photo_2016-11-27_06-59-56

photo_2016-11-27_06-59-57

photo_2016-11-27_06-59-58-2

photo_2016-11-27_06-59-58

photo_2016-11-27_06-59-59

photo_2016-11-27_07-00-00-2

photo_2016-11-27_07-00-00

មតិយោបល់