ភ្នំពេញ: បើតាមសមត្ថកិច្ច បានឲ្យដឹងថា រថយន្តកាមរីបាឡែនមួយគ្រឿង ពណ៌ព្រីងទុំ ពាក់ស្លាកលេខភ្នំពេញ 2P-3003 បើកដោយបុរសម្នាក់ សង្ស័យស្រវឹង បានធ្វើដំណើរតាមផ្លូវលេខ២២៥ ទិសដៅពីត្បូងទៅជើង លុះមកដល់ចំណុចកើតហេតុ ដែលជាចំណុចផ្លូវបែកជាបួន ស្របពេលនោះមានម៉ូតូស៊ុយហ្សីគីនិចមួយគ្រឿង ពណ៌លឿងពាក់ស្លាកលេខភ្នំពេញ 1CH-0934 ជិះដោយបុរស០៣នាក់ ជិះក្នុងទិសដៅពីលិចទៅ បានបត់ស្តាំ ក៏ត្រូវរថយន្តកាមរីបាឡែន វ៉ាក់ជាន់ហ្វ្រាំងមិនទាន់បុកចំយ៉ាងពេញទំហឹង បណ្តាលឲ្យបើុងបុរសទាំង០៣ ខ្ទាតទៅផ្លូវម្ខាង រងរបួសធ្ងន់ទាំង០៣នាក់។

ចំណែករថយន្តនៅសល់ល្បឿន បានជ្រុលទៅបុកទម្លុះបរិវេនភោជនីយដ្ឋាន អរុណរះ ដែលនៅជាប់និងផ្លូវ បង្កឲ្យរងការខូចខាតបាក់ផ្លាកយីហោរនិងផើងផ្ការអស់មួយចំនួន ហើយភ្លាមៗនោះដែរ ជនបង្កបានចុះពីរថយន្ត ដាក់មេប្រ៉ូចបាត់ស្រមោលតែម្តង ។ បន្ទាប់មកជនរងគ្រោះទាំង០៣នាក់ ត្រូវបានរថយន្តសាមុយដឹកយកទៅសង្គ្រោះ នៅមន្ទីរពេទ្យភ្លាមៗ ប៉ុន្តែក្នុងមានម្នាក់ពេលដែរថយន្តសង្គ្រោះបន្ទាន់ដឹកដល់មន្ទីរហើយ ស្រាប់តែដាច់ខ្យល់ស្លាប់ ក្នុងមន្ទីរពេទ្យ ។

ហេតុការណ៍នេះ បានកើតទ្បើងនៅវេលាម៉ោង ១១និង៤០នាទីយប់ថ្ងៃទី២៦ ខែវិច្ឆកា ឆ្នាំ២០១៦ នៅតាមបណ្តោយផ្លូវលេខ២២៥ កែងផ្លូវលេខ១៣៨ ស្ថិតក្នុងសង្កាត់ផ្សារដេប៉ូ២ ខណ្ឌទួលគោក ។

ចំណែករថយន្ត និងម៉ូតូ ត្រូវបានសមត្ថកិច្ចធ្វើការវាស់វែងយកទៅរក្សាទុកនៅអធិការដ្ឋាននគរបាលខណ្ឌទួលគោក ដើម្បីរងចាំភាគីទាំងសងខាងដោះស្រាយនៅពេលក្រោយ ៕

//youtu.be/–28cVIgHjI