ព្រះសីហនុ: បុរសជាកម្មករម្នាក់បានស្លាប់បាត់បង់ជីវិតដោយសារបាក់ដងស្ទូចពីរថយន្តស្ទូចសង្កត់លើ កាលពីម៉ោង១និង៣០នាទីរសៀល ថ្ងៃទី១៤ ខែធ្នូ ឆ្នាំ២០១៦ នេះនៅភូមិនិងឃុំ ចំការហ្លួង ស្រុកកំពង់សីលា ខេត្តព្រះសីហនុ។
បើតាមសមត្ថកិច្ចឲ្យដឹងថាគ្រោះថ្នាក់នេះកើតឡើងក្នុងពេលដែលរថយន្តស្ទួចកុងតឺន័រ ក្បាលពណ៌លឿងពាក់ស្លាកលេខភំ្នពេញ 3C-0766 លើកស្ទូចហើយបាក់ដងស្ទួចធ្លាក់សង្កត់លើកម្មកររូបនោះឈ្មោះកុយ រ៉ា ភេទប្រុស អាយុ២២ឆ្នាំ មានទីលំនៅបច្ចុប្បន្ន ភូមិត្រពាំងពិការ ឃុំអំពិលស្រុករមាសហែក ខេត្តស្វាយរៀង ជាកម្មករក្រុមហ៊ុនអគី្គសនីអ៊ី.អ៊ឹម។
ក្រោយកើតហេតុអ្នកបើកបររថយន្តស្ទូចបានរត់គេចខ្លួនបាត់ រីឯវត្ថុតាងខាងលើយកទៅរក្សាទុកនៅ អធិការដ្ឋាននគរបាលស្រុកកំពង់សិលា ចំណែកសាកសពសមត្ថកិច្ចបានប្រគល់អោយក្រុមគ្រួសារទទួលយកទៅធ្វើបុណ្យតាមប្រពៃណីយ៍៕
មតិយោបល់