ព្រះសីហនុៈ ពាក់ព័ន្ធករណីប្តីចិត្តសាហាវយកចបវាយសម្លាប់ និងកូនអាយុ២ឆ្នាំ មិនញញើតដៃ កាលពីវេលាទៀបភ្លឺថ្ងៃទី១៩ ធ្នូ នេះ នៅខេត្តកំពត គិតដល់ម៉ោង១១និង១៧នាទីព្រឹកថ្ងៃទី១៩ ធ្នូ ថ្ងៃដដែល ត្រូវកម្លាំងអាវុធហត្ថធ្វើការស្ទាក់ចាប់បានហើយ ពេលកំពុងបើករថយន្តរត់គេចខ្លួន ដោយត្រូវកម្លាំងបានផ្ទុះអាវុធបាញ់២-៣ ដើម្បីបំបែកកង់រថយន្ត នៅចំណុចរង្វង់មូលតោពីរ ក្នុងក្រុមទី១៧ ភូមិ៤ សង្កាត់៤ ខេត្តព្រះសីហនុ ។
បើតាមលោកស្នងការនគរបាលខេត្តព្រះសីហនុបានឲ្យដឹងថា ក្នុងពេលចាប់ខ្លួនកម្លាំងបានរំដោះកូនប្រុសម្នាក់ទៀត ដែលជនបង្កយកទៅជាមួយ រួមទាំងរថយន្តម៉ាកកូរ៉ឡា មួយគ្រឿងពាក់ស្លាកលេខ ភ្នំពេញ 2T-1565 ផងដែរ។
សូមរំលឹកថា ឃាតកម្មដ៏តក់ស្លុតមួយនេះ បានកើតឡើងនាព្រឹកទៀបភ្លឺថ្ងៃទី១៩ ខែធ្នូ ឆ្នាំ២០១៦នេះ នៅភូមិទ្វីខាងជើង សង្កាត់អណ្តូងខ្មែរ ក្រុងកំពត ខេត្តកំពត ដោយសារប្តីចិត្តតិរច្ឆាន យកចបវាយសម្លាប់ប្រពន្ធ និងកូនប្រុសអាយុទើប២ឆ្នាំ មិនញញើតដៃ។
មន្រ្តីនគរបាលខេត្តកំពតបានឲ្យដឹងថា ជនបង្កឈ្មោះ អ៊ុ រស្មី ហៅ ហ្សូ អាយុ៣៥ឆ្នាំ នៅភូមិទ្វីខាងជើង សង្កាត់អណ្តូងខ្មែរ ក្រុងកំពត បានសម្លាប់ប្រពន្ធ ឈ្មោះ ម៉ក់ សារ៉ាយ អាយុ24ឆ្នាំ និងកូនប្រុសឈ្មោះ ថា រដ្ឋពិសិដ្ឋ អាយុ2ឆ្នាំ។
ប្រភពដដែលបានបញ្ជាក់ថា «ជនបង្កបានយកចបវាយសម្លាប់ប្រពន្ធ និងកូនប្រុសបែបនេះ ដោយសារជនបង្កមានជំងឺប្រសៃប្រសាទ។ ដំណឹងនេះ សមត្ថកិច្ចទទួលបាន នៅពេលក្រុមគ្រួសារយកថ្នាំមកផ្ទះជនបង្ក»។ ក្រោយពីសម្លាប់ប្រពន្ធ និងកូនរួចហើយ ជនបង្កបានរត់គេចខ្លួនបាត់ ដោយជិះរថយន្តកូរ៉ូឡាទៅជាមួយផង៕
https://youtu.be/aRGeGGLN94M
https://youtu.be/xx1lL58HyEs
មតិយោបល់