កំពង់ស្ពឺ:អ្នកបរបាញ់សត្វព្រៃចំនួន ៥នាក់ សមត្ថកិច្ចកំពុងកសាងសំណុំរឿងបញ្ជូនទៅកាន់តុលាការ នៅរសៀលថ្ងៃទី ០៥ ខែឧសភា ឆ្នាំ២០១៦ នេះ ចាត់ការបន្តតាមផ្លូវច្បាប់ ។
នគរបាលព្រហ្មទណ្ឌ ខេត្តកំពង់ស្ពឺ បានឲ្យដឹងថា ក្រុមជនសង្ស័យ ត្រូវបានកម្លាំងជំនាញ ធ្វើបង្ក្រាបពីបទលាក់ទុកអាវុធដោយខុសច្បាប់ ដើម្បីបរបាញ់សត្វព្រៃ កាលពីព្រឹកថ្ងៃទី ០៣ ខែឧសភា ឆ្នាំ២០១៦ កន្លងមកនេះ ស្ថិតត្រង់ចំណុចជ្រលងភ្នំ ខាងត្បួងស្ទឹងតាសាល ក្នុងភូមិតាសាល ឃុំតាសាល ស្រុកឱរ៉ាល់ ខេត្តកំពង់ស្ពឺ។
ជនសង្ស័យ ៥នាក់ ដែលត្រូវសមត្ថកិច្ចបង្ក្រាបទី ១-ឈ្មោះធូ ធីម ,ទី២-ឈ្មោះឡាយ លីម, ទី៣-ឈ្មោះប៊ុន រិទ្ធ, ទី៤ឈ្មោះលឹម ហាន និងទី៥ វង់ វ៉េង ពួកគេបានទីលំនៅភូមិដក់ពរ ឃុំក្រាំងដីវ៉ាយ ស្រុកភ្នំស្រួច ខេត្តកំពង់ស្ពឺ។ សមត្ថកិច្ច បានដកហូត អាវុធចំនួន ០២ដើម ក្នុងនោះអាវុធ AK បត់ ០១ដើម, បង់០១ និងគ្រាប់ចំនួន៣៨គ្រាប់, អាវុធខ្យល់កែច្នៃ បាញ់គ្រាប់កង់ ០១ដើម និងឆ្អឹងសត្វប្រើសមួយចំនួន ព្រមទាំងវត្ថុតាងមួយចំនួនទៀត។
លោកវរ:សេនីយ៍ត្រី សម សាក់ នាយការិយាល័យ ព្រហ្មទណ្ឌកម្រិតធ្ងន់ នៃស្នងការដ្ឋាន ខេត្តកំពង់ស្ពឺ បានប្រាប់ នៅរសៀលថ្ងៃទី ០៥ ខែឧសភានេះ ក្រុមព្រានព្រៃ ដែលរក្សាអាវុធជាតិផ្ទុះ ដោយគ្មានច្បាប់ អនុញ្ញាតទាំង ៥នាក់ នោះ ត្រូវបានកម្លាំងជំនាញកសាងសំណុំរឿងបញ្ជូនទៅកាន់តុលាការ ដើម្បីចាត់ការបន្តតាមផ្លូវច្បាប់៕
មតិយោបល់